Қорақалпоғистон Республикаси Прокуратураси томонидан ижтимоий соҳа объектларининг куз-қиш мавсумига тайёргарлиги ўрганилди
Давлат дастурларининг ижросини назорат қилиш, хусусан қурилиш соҳаси ва ижтимоий объектларнинг куз-қиш мавсумига тайёргарлигини таъминлаш ва бу борадаги ишларни мувофиқлаштириш, ижросини назорат қилиш муҳим вазифалардан ҳисобланади. Бундай вазифаларнинг ўз вақтида ва сифатли бажарилиши аҳоли фаровонлиги ва давлат ривожи учун муҳим омилдир. Мазкур вазифаларнинг ижроси прокуратура органлари томонидан назоратга олинган бўлиб, хусусан, қурилиш соҳасида давлат дастурларининг сифатли бажарилиши ва ижтимоий объектларнинг ҳолати устидан тизимли назорат ўрнатилган.
Амударё тумани мисолида бу борада қандай ишлар олиб борилаётгани Қорақалпоғистон Республикаси Прокуратураси масъуллари томонидан ўрганиб чиқилди. Ўрганишлар давомида тумандаги ижтимоий соҳа объектларида қурилиш-таъмирлаш ишлари тасдиқлаган тармоқ жадвалларига асосан ташкил этилаётганига эътибор қаратилди. Айтиш керакки, туман прокуратураси ходимлари ушбу қурилиш жараёнларини мунтазам ўрганиб, масъулларга қатор кўрсатмалар бериб келмоқда. Жумладан, объектларни ўз вақтида ва сифатли топшириш, молиявий ва техник жиҳатдан барча ишларни смета ва тасдиқланган режага асосан ташкил қилиш ҳолатлари назоратга олинмоқда. Шу билан бирга, бюджет маблағларининг ноқонуний сарфланишининг олдини олиш, ўқув муассасалари биноларининг қурилиш суръатини пудратчилар томонидан етарли ишчи кучи ва махсус техникаларни жалб қилган ҳолда жадаллаштириш ҳамда ишчиларни расмий секторга ўтказиш бўйича тегишли кўрсатмалар берилмоқда.
Ижтимоий соҳа объектларининг куз-қиш мавсумига тайёргарлиги ҳам турмуш сифатига бевосита таъсир қиладиган жараёнлардан бири ҳисобланади. Шу боис, ҳудуддаги ижтимоий объектларда иситиш тизимларининг созлиги ва энергия ресурсларидан самарали фойдаланиш масалалари ҳам ҳар томонлама кўриб чиқилмоқда. Қорақалпоғистон Республикаси прокуратураси ходимлари амударёлик ҳамкасблари билан биргаликда бу борада ҳам тегишли ўрганиш ишларини олиб боришди.
Ижтимоий объектларнинг куз-қиш мавсумига тайёргарлик жараёнида иситиш қозонларининг алмаштирилиши ва ортиқча энергия истеъмолини камайтириш учун энергия тежамкор ускуналардан фойдаланиш масаласига алоҳида эътибор қаратилди. Бу орқали объектларнинг куз-қиш мавсумида самарали фаолият юритиши таъминланади. Шу билан бирга, прокуратура органлари ижтимоий соҳа объектлари ва аҳолини кўмир маҳсулоти билан узлуксиз таъминлаш жараёнини ҳам назоратга олган. Ўрганишлар давомида ижтимоий соҳа объектларини иситиш учун зарур ёқилғи захиралари яратилганлиги ҳам текширилди. Прокуратура органлари ходимлари тегишли масъулларга қўшимча кўмир захиралари яратиш, қозонхоналар ва электр генераторларни техник кўрикдан ўтказиш, энергия ресурсларидан оқилона фойдаланиш бўйича қатор кўрсатмаларни берди. Бу йўналишдаги ишлар доимий назоратга олингани ва иш жараёнида учрайдиган муаммолар зудлик билан бартараф этилиши лозимлиги таъкидланди.
Назорат тадбирлари давом этмоқда ва улардан кўзланган асосий мақсад — қурилиш ишлари сифатини таъминлаш ва ижтимоий соҳа объектларининг самарали фаолият юритиши учун шароит яратишдир. Прокуратура ходимлари ижтимоий объектлардан фойдаланувчилар ва аҳоли манфаатларини ҳимоя қилган ҳолда, бюджет маблағларининг самарали ва оқилона сарфланишини ҳамда қурилиш сифатини таъминлашга ҳисса қўшишни ўз олдларига мақсад қилиб қўйганлар. Бу борада кўрилаётган чоралар ва амалга оширилаётган тадбирлар аҳолининг, ижтимоий соҳа муассасаларидан фойдаланувчиларнинг мавсумий қийинчиликларни енгиб ўтишида муҳим аҳамият касб этади.
Шарьяр Жолдасов, Амударё тумани прокурори катта ёрдамчиси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
