АМУДАРЁ ТУМАНИДА "ЯНГИ ЎЗБЕКИСТОН" МАССИВИ ҚУРИЛИШИ ЖАДАЛ СУРЪАТЛАРДА ОЛИБ БОРИЛМОҚДА
Мамлакатимизда аҳолининг замонавий шарт-шароитларга эга уй-жойлар билан таъминланишини яхшилаш, ҳудудларда ривожланган шаҳарсозлик талаблари асосидаги кўп қаватли уй-жойлар, ижтимоий соҳа ва инфратузилма объектлари, шунингдек, муҳандислик-коммуникация тармоқлари қурилишини жадаллаштириш, ер ресурсларидан оқилона фойдаланиш ҳамда аҳоли пунктларининг урбанизация жараёнларини ривожлантириш мақсадида муҳтарам Президентимиз томонидан 2021 йилда "Янги Ўзбекистон" массивларини қуриш ва ҳудудларнинг ижтимоий-иқтисодий ривожланишини таъминлаш чора-тадбирлари тўғрисида" тарихий Фармон қабул қилинган эди. Ушбу Фармонга асосан мамлакатимизнинг барча ҳудудларида, шу жумладан, Амударё туманида ҳам "Янги Ўзбекистон" массиви қурилиши учун ер ажратилиб, айни пайтда ҳудудда уй-жойлар қурилиши жадал суръатларда олиб борилмоқда.
Манғит шаҳрининг Дўстлик маҳалласи ҳудудида жорий йилда ҳар бири 5 қаватли бўлган 6та кўп қаватли уйлар қурилиши режалаштирилган бўлиб, ҳар бири 30-35та, жами 185та хонадонга мўлжалланган турур жойлар қурилишида тумандаги 8та қурилиш ташкилотлари қурувчилари фаолият олиб боришмоқда.
Қад ростлаётган "Янги Ўзбекистон" массиви ҳудудида бозор инфратузилмаси объектлари, аҳоли дам олиш маскани, савдо ва маиший хизмат кўрсатиш объектлари қурилиши ҳам режалаштирилган.
Шуни алоҳида таъкидлаш жоизки, массив қурилишининг Бош режасига кўра, кейинги йилларда мазкур ҳудудда жами 65та кўп қаватли турар жой бинолари бунёд этилади ва уйларнинг томига қуёш панеллари ўрнатилиб, улардаги хонадонлар сони 2100тага етказилади. Бу "Янги Ўзбекистон массивида келгусида 10 мингдан ортиқ аҳолини замонавий шароитларга эга уй-жой билан таъминлаш имконини беради.
Робия Йўлдошева.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
