МАҚСАД – ЙЎЛ ҲАРАКАТИ ХАВФСИЗЛИГИНИ ТАЪМИНЛАШ
Мамлакатимизда йўл ҳаракати хавфсизлигини таъминлаш, ҳар хил нохуш ҳодисаларнинг олдини олиш мақсадида Ўзбекистон Республикаси Вазирлар Маҳкамасининг 2003 йил 31 январдаги Қарори билан тасдиқланган "Транспорт воситаларини мажбурий техник кўрикдан ўтказиш тартиби тўғрисида”ги Низомга асосан ҳар йили мавжуд транспорт воситаларини техник кўрикдан ўтказиш ишлари амалга оширилади.
Шу Низомга асосан Қорақалпоғистон Республикаси Вазирлар Кенгашининг 2016 йил 4 январдаги мажлис баёни қарорининг ижросини таъминлаш мақсадида ҳамда "Маҳаллий давлат ҳокимияти тўғрисида”ги Ўзбекистон Республикаси Қонунининг 6-моддасига асосан 2016 йилнинг 29 февраль куни туман ҳокимининг "Амударё туманидаги барча хўжалик юритувчи ташкилотларга ва фуқароларга тегишли бўлган автомототранспорт воситаларини ва тиркамаларини мажбурий техник кўрикдан ўтказиш ҳақида”ги 94-сонли қарори қабул қилинди.
Туман ҳокимининг ушбу қарорида "Транспорт воситаларини мажбурий техник кўрикдан ўтказиш тартиби тўғрисида”ги Низомнинг 1-бўлими 5-бандидаги "а” қисмига асосан транспорт воситаларининг техник кўриги: биринчи марта 2016 йил 1 мартдан 30 июнгача, иккинчи марта 2016 йилнинг 1 сентябридан 31 октябригача, юридик шахсларга қарашли бўлган транспорт воситаларининг техник кўриги 2016 йилнинг 1 мартидан 30 июнигача; жисмоний шахсларга тегишли бўлган транспорт воситаларининг техник кўриги 2016 йилнинг 1 январидан 30 августигача ўтказилиши белгиланди.
Туман ҳокимининг мазкур қарорига асосан жисмоний шахслар ҳамда барча корхона ва ташкилотларга тегишли бўлган транспорт воситалари техник жиҳатдан созланиб, яроқли ҳолатга келтирилгач, белгиланган муддатда техник кўрикдан ўтказишга олиб келинаяпти.
Тумандаги барча хўжалик юритувчи ташкилотларга ва фуқароларга тегишли бўлган автомототранспорт воситаларини ва тиркамаларни техник кўрикдан ўтказишда "AGAT AVTOQURILISH SERVIS” МЖЧнинг ёрдами катта бўлаяпти.
Туманимизда автотранспорт воситалари ва тиркамаларини мажбурий техник кўрикдан ўтказиш пайтида диагностика марказининг маълумотномаси, агар газ ускунаси ўрнатилган бўлса, унинг созлигини тасдиқловчи маълумотнома ҳамда энг кам иш ҳақининг ўндан бир баробари миқдорида пул тўланганлиги ҳақидаги ҳужжат талаб этилади.
Барча турдаги автомототранспорт воситаларини ва тиркамаларини техник кўрикдан ўтказиб, уларнинг созлигини таъминласак, йўл ҳаракати хавфсизлигини таъминлашга ҳисса қўшган бўламиз.
М.ДАРИБАЕВ,
туман ички ишлар бўлимининг йўл ҳаракати хавфсизлиги бўлинмаси бошлиғи, майор.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
