ГУЛШАН АРО ГУЛЧЕҲРАЛАР
Мамлакатимизда ёшлар, айниқса қизларни ҳаётга тайёрлаш, уларни миллий анъаналарга ҳурмат руҳида тарбиялашга катта эътибор қаратилмоқда. Шу мақсадда қатор тадбирлар, кўрик-танловлар ташкил қилинмоқда.
"Соғлом она ва бола йили” Давлат дастурининг 39-банди ҳамда 2016 йил 31 мартда тасдиқланган "Республиканинг барча умумтаълим мактабларида, касб-ҳунар коллежлари ва академик лицейларда фаолиятюритаётган "Ораста қизлар” тўгараклари орқали ўтказиладиган тарғибот тадбирлари қўшма режаси” ижросини таъминлаш мақсадида ўрта махсус, касб-ҳунар таълими муассасалари ўқувчи-қизлари ўртасида "Гулшан аро гулчеҳралар” мавзусидаги кўрик-танловни ташкил этиш ва ўтказиш режалаштирилган. Шунга мувофиқ, яқинда 9-сонли Болалар мусиқа ва санъат мактабида "Гулшан аро гулчеҳралар” кўрик-танлови ўтказилди.
Кўрик-танлов "Соғлом она ва бола йили” Давлат дастури ижроси доирасида туман Хотин-қизлар қўмитаси ҳамда қатор жамоат ташкилотлари ҳамкорлигида ўқувчи-қизларни миллий ва умуминсоний қадриятлар, юксак одоб-ахлоқ тамойиллари асосида тарбиялаш, қизлар ўртасида оилавий ҳаётга тайёр бўлмай туриб, барвақт турмуш қуришнинг олдини олиш, қизларнинг оиладаги ва таълим муассасаларидаги фаоллигини ошириш, уларнинг саломатлигини муҳофаза қилиш ва келгусида соғлом оилани шакллантириш, шунингдек, ўқувчи-ёшлар тафаккурида интернетдан фойдаланиш маданиятини шакллантириш, "оммавий маданият”, миссионерликнинг салбий оқибатларига қарши курашиш учун уларда маънавий иммунитетни шакллантириш мақсадида ташкил қилинди.
Туманимиздаги академик лицей ва касб-ҳунар коллежлари жамоалари иштирокида ўтказилган кўрик-танлов қизларимизнинг иқтидорини юзага чиқаришда муҳим восита бўлди.
Кўрик-танловда туманимиздаги академик лицей ва касб-ҳунар коллежларининг билимдон қизлари иштирок этишди. Иштирокчилар саҳна кўринишлари орқали ўз иқтидорларини намойиш қилишиб, қизлар ҳаётида учрайдиган муаммоларга томошабинлар эътиборини жалб қилдилар. Қизларнинг чиқишлари ҳакамлар ҳайъати томонидан баҳоланиб, Амударё агробизнес касб-ҳунар коллежи жамоаси 1-ўринга, Амударё маиший хизмат кўрсатиш касб-ҳунар коллежи жамоаси 2-ўринга, Амударё Транспорт касб-ҳунар коллежи жамоаси 3-ўринга лойиқ деб топилди. Ғолибларга туман Хотин-қизлар қўмитасининг фахрий ёрлиқлари топширилди.
Ўз мухбиримиздан.
(Фото - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
