СОҒЛОМ ТУРМУШ ТАРЗИ – БАХТЛИ ЯШАШ ОМИЛИ
Бизнинг "Хоразм” қишлоқ врачлик пунктимиз ҳудудимиздаги 5127 нафар аҳолига хизмат қилади. Шунинг 114 нафари 1 ёшгача бўлган болалар, 1436 нафари 1 ёшдан 14 ёшгача бўлган болалардир.
Келтирилган рақамларнинг ўзиёқ зиммамиздаги вазифанинг нечоғлик муҳим ва масъулиятли эканлигини англатади. Чунки аҳолининг соғлом турмуш тарзига амал қилиб, турли касалликлардан ҳимояланиб, тинч-осойишта турмуш кечириши жуда муҳим. Ўзаро меҳр-оқибат, ҳурмат, озодалик, тиббий маданият ҳукм сурган оила фарзандлари соғлом, тетик, интилувчан, одобли бўлиб вояга етадилар.
Қишлоқ врачлик пунктимиз ходимлари аҳоли орасида бу борада тинимсиз тарғибот-ташвиқот ишларини олиб боришаяпти. Аҳолининг ҳар йили мунтазам чуқурлаштирилган тиббий кўрикдан ўтказилаётганлиги саломатлик даражаси ошишига замин яратмоқда. Чунки кўрик даврида фуқароларда аниқланган касалликларни даволаш учун барча имкониятларимиз бор. Қолаверса, чуқурлаштирилган тиббий кўрик фуқароларда айрим касалликларнинг яширин даврини ҳам аниқлаш ва барвақт даволанишни бошлаш имконини беради.
Муассасамизда замонавий тиббий асбоб-ускуналар билан таъминланган лаборатория ишлаб турибди ва қон, сийдик, қон зардоби таҳлилларини тезкор аниқлашга хизмат қилади. Соғлигида муаммолар туғилган фуқароларимизга тиббий хизмат кўрсатувчи 6 ўринли кундузги стационаримиз мавжуд. Саломатлик-3 лойиҳаси бўйича жиҳозланган автоклав, физиотерапия хоналари беморларни даволаш самарали бўлишини таъминлаяпти. Физиотерапия хонасидаги дарсонваль, тобс, электрофарез, солюкс каби замонавий даволаш асбоб-ускуналарнинг олис қишлоқ тиббиёт муассасасида мавжудлиги давлатимизнинг аҳоли соғлигига улкан эътибор қаратаётганини кўрсатиб турибди.
Аҳолимиз шифокор Хосият Худойберганова, катта ҳамшира Ширин Ҳайтимбетова, ҳамширалар Гулшод Бобожонова, Пардагул Сапаева, Ўрингул Сайлихоноваларнинг хизматидан жуда мамнун. Муассасамиз тиббиёт ходимлари ҳудудимиздаги 7 нафар якка-ёлғиз яшовчиларнинг, 8 нафар меҳнат фахрийларининг ва улуғ ёшдаги отахон, онахонларимизнинг ҳолидан тез-тез хабар олишиб, соғлигини назорат қилиб туришади, соғлигини асрашга оид маслаҳатлар беришади. Тиббий ходимларга ҳудудимиз бўлиб берилган бўлиб, ҳар бири ўзига бириктирилган хонадонларда тез-тез бўлиб, ҳовли-жойи озодалигини назорат қилишади, соғлом турмуш тарзининг афзаллигини тушунтиришади.
Биз учун энг муҳими – халқимизнинг соғлом ва бахтиёр яшашидир.
Гавҳар ҚЎЧҚАРОВА,
"Хоразм” ҚВП мудираси.
(Фото - https://kun.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
