МАҚСАД – ТАЪЛИМ САМАРАДОРЛИГИНИ ОШИРИШ
Бизнинг ўқув муассасамиз инглиз тили, математика ва она тили фанларини чуқур ўргатишга ихтисослаштирилган давлат умумтаълим мактаби бўлиб, мактабнинг инглиз тили, математика ва она тили фанларини чуқур ўргатишга ихтисослаштирилган синфларига ўқувчилар 2-синфдан бошлаб махсус тест синовлари асосида ўқишга қабул қилинади. Мактабнинг барча синфларида дарс машғулотлари ахборот-коммуникация технологияларидан унумли фойдаланган ҳолда ўтилмоқда. Барча синф хоналари замонавий телевизорлар ва ноутбуклар билан таъминланган бўлиб, дарс машғулотлари электрон дарсликлар ва электрон слайдлар орқали ўтказилмоқда, бу эса ўқувчиларнинг кафолатли таълим-тарбия олишларини таъминламоқда. Жумладан, ўтган 2015-2016 ўқиш йилида мактабнинг 14 нафар ўқувчиси "Билимлар беллашуви”нинг туман босқичида фахрли 1-ўринни эгаллаб, Қорақалпоғистон Республикаси босқичида қатнашиш ҳуқуқини қўлга киритишиб, унда ҳам фаол иштирок қилдилар. "Билимлар беллашуви”нинг Қорақалпоғистон Республикаси босқичида фахрли 1-ўринни эгаллаган бир нафар ўқувчимиз Ўзбекистон Республикаси босқичида ҳам фаол иштирок қилиб, мукофот билан тақдирланди. Фан олимпиадасининг туман босқичида мактабимизнинг 5 нафар ўқувчиси фахрли 1-ўринни қўлга киритишди. Улардан бири эса Қорақалпоғистон Республикасида фахрли 1-ўринни қўлга киритди. Шунингдек, мактабимиз ўқувчилари "Умид ниҳоллари”, "Ёз – 2016”спорт мусобақаларида ҳам нафақат туман миқёсида, балки, Қорақалпоғистон Республикасида ҳам фахрли ўринларни эгаллаб келмоқдалар. Мактабимизнинг стол тенниси билан шуғулланувчи жамоаси Республикада энг кучли жамоа сифатида тан олиниб келинмоқда.
Жамоамизнинг ҳамкорликда олиб борган ишларининг натижасини "Билимлар беллашуви”, "Фан олимпиадаси” тадбирларининг Қорақалпоғистон Республикаси босқичида фахрли 1-ўринни эгаллаган туман ўқувчиларининг ярмини мактабимиз ўқувчилари ташкил қилганлигида кўриш мумкин.
Мактабимизда таълим самарадорлигини ошириш юзасидан олиб борилаётган ишлар Қорақалпоғистон Республикаси Халқ таълими вазирлиги тизимидаги умумий ўрта таълим мактабларининг таълим сифати параметр кўрсаткичлари бўйича рейтингида ҳам ўз аксини топган бўлиб, мазкур рейтинг параметри бўйича мактаб туманда 1-ўринга, Қорақалпоғистон Республикасидаги мавжуд 700 дан ортиқ мактаблар орасида 7-ўринга лойиқ деб топилди.
Мен фурсатдан фойдаланиб, туманимизнинг барча таълим муассасаларида меҳнат қилаётган ҳамкасбларимизни, устоз ва мураббийларимизни ҳаётимизга кириб келган янги йил билан чин кўнглимдан муборакбод қиламан ва уларнинг ёш авлодга таълим-тарбия беришдек шарафли ишларида катта муваффақиятлар ёр бўлишини тилайман.
Шуҳрат ЖУМАНИЁЗОВ,
16-сонли ихтисослаштирилган давлат умумтаълим мактаби директори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
