ҲАР БИР МУРОЖААТ ОРТИДА ИНСОН ТАҚДИРИ БОР
Мамлакатимизда фуқароларнинг мурожаатлари билан ишлашиш борасида муҳим ҳуқуқий асослар яратилган. Чунки мурожаат, у қандай мавзуда ёки қай шаклда бўлишидан қатъий назар, унинг ортида инсон бор, инсон манфаати, ҳақ-ҳуқуқи бор. Шу боис, юртимизда фуқароларнинг мурожаатлари билан боғлиқ барча масалалар Ўзбекистон Республикаси Конституцияси меъёрлари ва бошқа норматив-ҳуқуқий ҳужжатлар билан тартибга солиб келинмоқда.
Бош Қомуcимизнинг 35-моддасига кўра: "ҳар бир шахс ўзи ва бошқалар билан биргаликда ваколатли давлат органларига, муассасаларига ёки халқ вакилларига ариза, таклиф ва шикоятлар билан мурожаат қилиш ҳуқуқига эга. Аризалар, таклифлар ва шикоятлар Қонунда белгиланган тартибда ва муддатларда кўриб чиқилиши шарт”.
Конституциямизнинг 44-моддасида эса "ҳар бир шахсга ўз ҳуқуқ ва эркинликларини суд орқали ҳимоя қилиш, давлат органлари, мансабдор шахслар, жамоат бирлашмаларининг ғайриқонуний хатти-ҳаракатлари устидан судга шикоят қилиш” ҳуқуқи кафолатланган.
2014 йил 4 декабрда матбуотда эълон қилинган "Жисмоний ва юридик шахсларнинг мурожаатлари тўғрисида”ги Ўзбекистон Республикаси Қонуни ҳам фуқароларнинг давлат органларига мурожаат қилиши тартибини янада такомиллаштирди.
Ўтган йили Фуқароларнинг мурожаатлари билан ишлашиш борасида мамлакатимизда яна бир муҳим қадам қўйилди. Бу – Ўзбекистон ҳукумати порталида ташкил этилган мамлакатимиз Президентининг Виртуал қобулхонаси (pm.gov.uz) орқали мурожаатларни электрон шаклда қабул қилиш тартибидир.
Мамлакатимизда 2017 йил "Халқ билан мулоқот ва инсон манфаатлари йили” деб эълон қилиниши муносабати билан барча даражадаги давлат органлари фаолиятида "Халқ давлат идораларига эмас, давлат идоралари халқимизга хизмат қилиши керак”, – деган тамойилни амалда қарор топтириш мақсадида Ўзбекистон Республикаси Президентининг 2016 йил 28 декабрь кунги "Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида”ги Фармонига кўра белгиланган жойларда Ўзбекистон Республикаси Президентининг Халқ қабулхоналари, Ўзбекистон Республикаси Президентининг Виртуал қабулхонаси ташкил этилди.
Халқ қабулхоналари ва Виртуал қабулхонага келиб тушаётган мурожаатлар "Жисмоний ва юридик шахсларнинг мурожаатлари тўғрисида”ги Ўзбекистон Республикаси Қонунига қатъий амал қилган ҳолда тўлиқ, холис ва ўз вақтида кўриб чиқилаётгани мамлакатимизда фуқароларнинг мурожаатлари билан ишлашиш борасида янги тизим яратилганидан, қолаверса, ҳар бир мурожаат ортида инсон тақдири борлиги ва мустақил давлатимизда инсонлар тақдирига ҳурмат олий қадрият эканлигидан далолатдир.
Отабек ЕШЧАНОВ, Амударё қишлоқ хўжалик касб-ҳунар коллежи директорининг маънавий-маърифий масалалар бўйича ўринбосари.
(Фото - http://huquqburch.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
