МЕҲР-ОҚИБАТ ТАНТАНАСИ
Ўзбекистон Касаба уюшмалари федерацияси томонидан бир қатор жамоат ташкилотлари иштирокида мамлакатимиз ҳудудида 620 жуфт келин-куёвнинг никоҳ тўйлари ва 3280 нафар боланинг суннат тўйлари ўтказиб берилаётганлиги барча юртдошларимизни қувонтириб юборди.
Шу муносабат билан Манғит шаҳридаги "Бек” тўйхонасида ўтказилаётган қўшалоқ тўйлар даврасига одам сиғмайди. Ҳамманинг юзларида қувонч, қалбларида муҳтарам Президентимизга чексиз ҳурмат ва эҳтиром.
– Маҳалламиз оқсоқоли уйимизга келиб, бизнинг фарзандимизнинг суннат тўйи ўтказиб берилишини айтганида, тўғриси, кўзимга ёш келди. Мен каби бир оддий инсоннинг фарзанди учун ғамхўрлик қилаётган жамиятимиздан чексиз миннатдорман, – дейди тўй бола Дониёрнинг бувиси, Манғит шаҳрининг Беруний номли маҳалласида яшовчи Жумагул Худойбергенова биз билан суҳбатда.
– Мен Жумуртов шаҳарчасиданман, – дейди яна бир суҳбатдошимиз Амина Жуманиёзова. – Бугун мана шу тўйхонада 12 жуфт келин-куёвнинг, 21 нафар болажонларнинг тўйлари ўтказиб берилаяпти. Шу ердаги тўй болалар орасида менинг неварам Дилшод ҳам бор. Мен ҳозир қаттиқ ҳаяжондаман. Қувончим чексиз. Болаларимизга тўй кийимлари ҳам берилиб, уларнинг ҳар бирининг номига 1 миллион сўмлик омонат дафтарчаси очилгани жамоат ташкилотларининг болаларимизга, юртимизнинг эртанги куни эгаларига кўрсатаётган ғамхўрлиги ифодасидир.
Бугунги тўй бизнинг ва болаларимизнинг ҳаётимизда унутилмас воқеа бўлиб қолади.
Тўйхонада шод-у хуррамлик, самимий табриклар ва тилаклар, дил сўзлари кун бўйи давом этди. Ушбу тўй сабабчилари бўлмиш келин ва куёв, тўй болаларнинг ҳам, тўйда иштирок этган барча кишиларнинг ҳам кўнгилларида, юз-кўзларида ва сўзларида бу тадбирдан мамнунлик аломатлари акс этиб турди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
