АРХИВ ФАОЛИЯТИ РИВОЖЛАНТИРИЛМОҚДА
Бугунги кунда Қорақалпоғистон Республикаси Адлия вазирлигининг идоравий, ФҲДЁ ва Нотариал архивлари халқимизга, давлат идоралари ва бошқа ташкилот ҳамда корхоналарга хизмат кўрсатиб келмоқда.
Ҳозирда архивларда жами 110 мингга яқин сақлов бирлигидаги ҳужжатлар соҳага масъул ходимлар томонидан сақланиб келинмоқда.
2014 йилдан бошлаб Ўзбекистон Республикаси Адлия вазирлиги томонидан ҳудудий адлия органларида, шу жумладан, Қорақалпоғистон Республикаси Адлия вазирлигида ҳужжатларнинг "умри”ни узайтириш мақсадида келиб тушган ҳужжатларни кирим қилиб, рўйхатдан ўтказиш учун "JUSTICE” электрон ҳужжат айланиши тизими ишга туширилди.
Бу тизимнинг ўзгачалиги шундаки, ҳужжатларни кирим қилишдан аввал ҳар бир варақ сканер қилиниб, электрон шаклга келтирилади ва тизимга бириктирилади.
Кирим қилинган ҳар бир ҳужжатга қўшимча илова қилинган ҳужжатлар шунингдек, уларнинг натижаси юзасидан жамланган ҳужжатлар ҳам бириктирилиб, назоратдан олинади. Шу тариқа ҳар бир ҳужжат электрон архив ҳужжатига айланади.
Ҳозирги кунда ахборот олишга бўлган эҳтиёж тобора ошиб бораяпти. Мазкур жараён адлия органлари, шу жумладан, Қорақалпоғистон Республикаси Адлия вазирлиги ва унинг таркибидаги архивлар фаолиятини ривожлантиришда янгича ёндашувни талаб этмоқда. Шу боис мавжуд архивларнинг Ўзбекистон Республикаси Адлия вазирлиги томонидан замонавий ахборот – коммуникация технологиялари билан жиҳозланишига катта эътибор қаратилаяпти. Бу эса иш самарадорлигини оширибгина қолмай, ҳужжатларни сифатли ҳамда узоқ муддат сақлаш имкониятини ҳам бермоқда.
И.РАЗАКОВ,
Қорақалпоғистон Республикаси Адлия вазирлиги Ташкилий-назорат ва таҳлил шўъбаси етакчи маслаҳатчиси.
Фото - http://zarnews.uz
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
