САЙЛОВГА ДОИP ЎҚУВ-СЕМИНАPЛАP ЎТКАЗИЛМОҚДА
Жорий йилнинг 22 декабрида Олий Мажлис Қонунчилик палатасига, вилоят, туман Кенгашларига бўлиб ўтадиган сайловлар мамлакатимиз ҳаётида ғоят муҳим ижтимоий-сиёсий воқеа бўлиб ҳисобланади. Чунки мамлакатимизнинг эртаги куни, юртимизда амалга оширилаётган ислоҳотларнинг суръати ва давомийлиги, натижаси сайловчилар қабул қиладиган қарорга кўп жиҳатдан боғлиқ.
Мамлакатимиз Президенти Ш.Мирзиёенинг 2018 йил 6 ноябрда қабул қилган 4004-сонли Қарорида ҳам сайловларга тайёргарлик кўриш ва ўтказиш, фуқаролар конституциявий сайлов ҳуқуқларининг амалга оширилишини таъминлаш бўйича умумэътироф этилган халқаро принциплар ва стандартларни ҳисобга олган ҳолда, сайлов тизими ва қонунчилигини босқичма-босқич лебераллаштириш мамлакатимизда сайлов тизимини янада такомиллаштиришнинг энг муҳим йўналишларидан бири этиб белгиланган.
Айни кунларда бутун мамлакатимизда бўлгани каби туманимизда ҳам яқинлашиб келаётган сайловларга тайёргарлик ишлари қизғин тус олмоқда, фуқароларга бу борада маълумотлар берувчи тарғибот тадбирлари ўтказилмоқда. Шунингдек, тумандаги Олий Мажлис Қонунчилик палатаси, вилоят ва маҳаллий Кенгашларга сайлов ўтказувчи округлар, участкалар сайлов комиссиялари аъзолари учун сайловларни уюшқоқлик билан, амалдаги қонуний-меъёрий ҳужжатлар талабларига мувофиқ ўтказилишига эришиш учун бу борадаги ўзгаришларни тарғиб этишга бағишланган ўқув-семинарлари ўтказилмоқда, “битта сайловчи – битта овоз” тамойилини амалга ошириш лозимлиги тушунтирилмоқда.
11-14 ноябрь кунларида ўтказилган ўқув-семинарларига дастлаб Олий Мажлис Қонунчилик палатаси, Қорақалпоғистон Pеспубликаси Жўқорғи Кенгеси ва Амударё туман Кенгашига сайлов ўтказувчи округлардаги участка сайлов комиссиялари аъзолари икки гуруҳга бўлинган ҳолда жалб қилинди.
Уларга сайловга доир қонунчиликдаги ўзгаришлар хусусида, 22 декабрь куни сайловларни намунали ва фаоллик билан ўтказилишини таъминлаш хусусида маърузалар ўқилиб, бу борадаги билимлари мустаҳкамланмоқда.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
