ТАЪЛИМ СИФАТИНИ ОРТТИРИШГА ҚАРАТИЛГАН СЕМИНАР ВА УЧРАШУВЛАР ЎТКАЗИЛМОҚДА
Ўзбекистон Pеспубликаси Президенти раислигида 2019 йил 23 авуст куни халқ таълими тизимини ривожлантириш, педагогларнинг малакаси ва жамиятдаги нуфузини ошириш, ёш авлод маънавиятини юксалтириш масалаларига бағишланган видеоселектор йиғилишида берилган топшириқларга мувофиқ тузилган ишчи гуруҳ Қорақалпоғистон Pеспубликаси Амударё туманига ташриф буюрди.
Ишчи гуруҳ аъзолари А.Юсупов, Ф.Халкназаров, Б.Мамбетов, О.Йўлдошовлар тумандаги 82-сон умумтаълим мактабининг мажлислар залида тумандаги умумтаълим ва мактабдан ташқари таълим муассасалари директорлари ва туман халқ таълими бўлимининг методистларига умумтаълим мактабларида таълим сифатини ошириш, “Оила – маҳалла – мактаб - олий ўқув юрти” ҳамкорлик моделини ҳаётга тадбиқ этиш ва олий ўқув юртлари билан умумтаълим мактаблари ўртасида ўзвийликни таъминлаш юзасидан амалий семинар бўлиб ўтди.
Семинарда Ўзбекистон Pеспубликаси Президенти раислигида 2019 йил 23 авуст куни халқ таълими тизимини ривожлантириш, педагогларнинг малакаси ва жамиятдаги нуфузини ошириш, ёш авлод маънавиятини юксалтириш масалаларига бағишланган видеоселектор йиғилишининг мазмун-аҳамияти тўғрисида кенг турда тушунтириб ўтди.
Шундан сўнг туман халқ таълими бўлимида халқ таълими бўлими мудири О.Йўлдошов раислигида ишчи гуруҳнинг вазифалари белгиланиб олинди ва фан методистлари ва мутахассисларга таълим сифатини орттиришга қаратилган семинар ўтказилди.
Шундан кейин ишчи гуруҳ аъзолари Манғит шаҳридаги 1-сонли, 30-сонли, 16-сонли, 36-сонли, Чойкўл овулидаги 22-сонли, Қипчоқ овулидаги 11-сонли мактаб педагогика жамоаси билан учрашувлар ўтказилди.
Учрашувлар давомида ўқитувчилар нуфузини ошириш бўйича олиб борилаётган ижобий ишлар, мактаб жамоасининг ютуқлари кенг таҳлил қилинди. Шунингдек суҳбат давомида ўқитувчиларни қиёнаб келаётган муаммолар, таълим сифатини ошириш бўйича таклифлари ўрганилди.
Шу тахлитдаги учрашувлар 20 ноябрь куни ҳам туманнинг энг олис ҳудудларида жойлашган мактабларда давом этди. Назархон овулидага 3-сонли, 58-сонли мактабларда учрашувлар ўтказилди. Бу мактабларда ўқитувчилар асосан интернет тармоғи йўқлиги ўқувчиларга таълим тарбия беришда қийинчиликлар туғдираётганини билдиришди.
Шунингдек шу куни 55-сонли умумтаълим мактабида тумандаги маҳоратли бошланғич синф ўқитувчилари учун “Халқаро тадқиқотларга тайёргарлик, асосий вазифалар” мавзусида ўқув семинари ташкил қилинди. Семинарда ишчи гуруҳ аъзолари PISA ва PIRLS, TIMSS баҳолаш тизими бщйча кенг тушунча бериб ўтишди.
Ишчи гуруҳ аъзолари “Баркамол авлод” болалар марказида бўлиб, марказ тўгаракларида қатнаётган ўқувчилар концерт дастурини томоша қилишди.
Шундан кейин Туркманистон Pеспубликаси билан чегара ҳудудда жойлашган, таълим туркман тилида олиб бориладиган 25-сонли мактаб фаолияти билан танишишди. Учрашувда туркман миллатига мансуб ўқувчиларга яратилган шароитлар, кўпмиллатли Ўзбекистонда барча миллат вакиллари сингари тенг ҳуқуқли таълим олиши таъминланиши борасидаги ишлар ўрганилди. Мактабдаги мавжуд иккита компьютер синфида интернет тармоғи йўқлиги муаммоси аниқланди.
Ҳудуддаги 4-сонли мактабида ҳам ўрганиш ишлари олиб борилди. Педагог ходимлар билан учрашув ўтказилди.
Ишчи гуруҳнинг фаолиятини давом эттирмоқда.
Амударё тумани Халқ таълими бўлими.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
