МАҲАЛЛА ПОСБОНИ – тинчлик ҳимоячиси
Маълумки, жамиятда жамоат тартибини сақлаш ва фуқаролар хавфсизлигини таъминлаш, жиноятчиликка қарши кураш ва унинг олдини олиш ҳуқуқни муҳофаза қилиш идоралари зиммасига юклатилган. Мазкур вазифани амалга ошириш давлат ва нодавлат ташкилотлари, жамоат ташкилотлари, фуқароларнинг ўзини ўзи бошқариш органларининг иштирок этишини талаб этади. Холбуки, жиноятчиликка қарши кураш қачонки у кенг ижтимоий асосда, унга барча давлат ва жамоатчилик механизмларини фаол жалб қилган ҳолда амалга оширилгандагина самарали бўлиши мумкин. Тинчлик ва осойишталикни таъминлашда «Маҳалла посбони» жамоат тузилмасининг ҳам аҳамияти катта.
Бугунги кунда фуқароларнинг ўзини ўзи бошқариш органлари ҳузурида «Маҳалла посбони» жамоат тузилмалари ташкил этилган бўлиб, улар сафида минглаб ёшлар ўз уйлари ва маҳаллаларининг тинчлиги ҳамда осойишталигини сақлаш ишларини олиб бориш билан бирга, жиноятчиликка қарши кураш ва унинг олдини олишда ҳуқуқ-тартибот органларига кўмаклашмоқда.
Маҳалла посбонлари сафидан энг муносибларини ички ишлар идоралари хизматига қабул қилишга ҳам катта эътибор қаратилмоқда.
Бугун юртимизда маҳалла посбонлари аҳолининг фаоллигини ошириш, фуқароларни жамоат тузилмасига кенг жалб қилиш, бир ёқадан бош чиқариб, ҳар қандай иллатга, айниқса хавфсизликка таҳдид солувчи омилларга қарши кураш ва бошқа жамоатчилик ишларини олиб боришда ташаббускорлик, фидойилик намуналарини намоён этмоқдалар, ўз касб вазифаларини шараф билан бажармоқдалар. Зеро, Ватан тинчлиги ва осойишталигини ҳимоя қилиш юрт ўғли учун фақат конституциявий бурч эмас, муқаддас вазифа, олий шараф ҳамдир.
Расул АЛЛАМОВ,
Ўзбекистон Республикаси ИИВ Академияси тингловчиси.
(Фото - http://navoiypress.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
