Мурожаатномадан руҳланиб...
Ўзбекистон Республикаси Президентининг Олий Мажлисга Мурожаатномаси – 2017 йилдан буён халқимиз томонидан мамлакатимизнинг сиёсий ҳаётидаги энг муҳим воқеа сифатида ҳар йили интиқлик билан кутилади. Чунки унда дастлаб тугалланаётган йилда амалга оширилган ишлар, асосий кўрсаткичлар ҳамда бошланаётган янги йилга мўлжалланган мақсад ва вазифалар белгилаб берилади.
Давлатимиз раҳбари олдимиздаги устувор вазифалар билан бирга, 2021 йилни – “Ёшларни қўллаб-қувватлаш ва аҳоли саломатлигини мустаҳкамлаш йили” деб номлашни таклиф қилиши бутун дунё учун мураккаб вазиятни юзага келтирган пандемиядан кейин, ўйлайманки, барчани бирдек руҳлантирди, ҳар бир инсон қалбида эртанги кунга бўлган ишончни янада мустаҳкамлади, десак, муболаға бўлмайди.
Aйниқса, юртимиз, халқимиз келажаги бўлган ёшларнинг таълим-тарбияси, иқтидорли ёшларимизнинг ўзини намоён қила олиши учун кенг имкониятлар яратиш, шу билан бирга, ўқитувчилар мавқеи, турмуш даражасини ошириш, янги имкониятлар яратиб бериш орқали ўқитувчилик касбини энг нуфузли, обрўли касб даражасига олиб чиқиш асосий мақсад қилиб белгиланди. Дарҳақиқат, муаллимлар улуғланган юртда таълим-тарбия юксалади ва бу орқали ёшлар келажаги учун мустаҳкам пойдевор қўйилади. Ўқитувчининг болаларга сифатли таълим бериши ва ўз устида ишлаши учун давлат барча шароитларни яратиб бериши зарурлиги, шу боисдан, ўқитувчи-мураббий ва таълим-тарбия услубчилари меҳнатига муносиб ҳақ тўлаш бўйича бошланган ишлар бу йил ҳам давом эттирилиши таъкидланди. Бунинг учун эса халқ таълими ходимларини рағбатлантириш ҳудудий жамғармаларига 330 млрд. сўм, 240 мингдан зиёд ўқитувчиларга синф раҳбарлиги учун устама тўловлар 1,5 баробарга оширилиб, бюджетдан 400 млрд. сўм қўшимча маблағ ажратилиши белгиланди. Буларнинг барчаси жамиятда ўқитувчи касби энг нуфузли ва обрўли касб сифатида эъзозланишига хизмат қилади.
Шу билан бирга, таълим соҳасида ягона “электрон таълим” тизимини жорий этиш мақсадлари учун келгуси 2 йил давомида 250 млрд. сўм йўналтирилиши белгиланди ва бу халқ таълими соҳасини юксалтириш борасидаги жуда катта қадамдир.
Бундан ташқари, бугунги кунда болаларнинг таҳлилий ва креатив фикрлаш қобилиятини ривожлантириш учун сермазмун ҳамда тушунарли дарсликларга эҳтиёж катта. Бу борада келгуси ўқув йилида бошланғич синфларда давлат таълим стандарти ўрнига, илғор хорижий тажриба асосида, болага ортиқча юклама бермайдиган “Миллий ўқув дастури” жорий этилиши таълим сифатини ошириш йўлидаги яна бир жиддий қадам бўлиши табиий.
Раҳматулла Матқурбонов,
туман ХТБ мудири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
