ХАЛҚ ДЕПУТАТЛАРИ АМУДАРЁ ТУМАН КЕНГАШИНИНГ 31-СЕССИЯСИ ТЎҒРИСИДА АХБОРОТ
22 апрель куни Халқ депутатлари Амударё туман Кенгашининг 31-сессияси бўлиб ўтди.
Сессия мажлисида туман Кенгаши депутатлари, секторлар раҳбарлари, туман ҳокими ўринбосарлари, ҳокимлик масъул ходимлари, туман суд- ҳуқуқ соҳаси масъуллари, бўлимлар, тижорат банклар раҳбарлари, фуқароларнинг ўзини ўзи бошқариш органлари раислари ҳамда оммавий ахборот воситалари ходимлари иштирок этдилар.
Сессияни туман ҳокими С.Йўлдошев очди ва олиб борди. Сессия кун тартибига “Фуқаролик ишлари бўйича Амударё туман суди томонидан фуқаролар ҳуқуқлари ва эркинликларини, корхоналар, ташкилотлар ва муассасаларнинг ҳуқуқлари ҳамда қонун билан қўриқланадиган манфаатларини ҳимоя қилиш, одил судловни амалга оширишга доир 2021 йилнинг январь, февраль ойларидаги фаолияти тўғрисида”ги,” Ўзбекистон Республикаси Президентининг Амударё туманидаги Халқ қабулхонасининг 2021 йилнинг 1 чорагида туманни комплекс ижтимоий- иқтисодий ривожлантириш бўйича секторлар ва ҳудуддаги ташкилотлар раҳбарлари фаолияти,мурожаатлар билан ишлаш ҳолати юзасидан ахбороти тўғрисида”ги, “Туманда тадбиркорлар ҳуқуқлари ва қонуний манфаатларини таъминлаш ва уларнинг мурожаатларини кўриб чиқиш бўйича тумандаги Ўзбекистон Республикаси Бош вазирининг тадбиркорлар мурожаатларини кўриб чиқиш қабулхонаси томонидан 2021 йилнинг биринчи чорагида амалга оширилган ишлар ҳақида ахбороти тўғрисида”ги, “Туман Ички ишлар бўлими бошлиғининг 2021 йилнинг 1 чорагида ҳуқуқбузарликларнинг олдини олиш ва уларнинг профилактикаси ҳолати ҳақидаги ҳисоботи тўғрисида”ги, “Туман даражасидаги давлат органлари ва ташкилотларининг норма ижодкорлиги ва ҳуқуқни қўллаш амалиёти ҳолати бўйича туман адлия бўлими бошлиғининг ахбороти ҳақида”ги, Амударё тумани маҳаллий бюджетининг 2021 йил биринчи чорагидаги ижроси тўғрисида”ги, “Туманни ижтимоий- иқтисодий ривожлантириш дастурларини амалга ошириш, янги иш ўринларини барпо этиш, инвестиция лойиҳаларини амалга ошириш, маҳаллий бюджет даромадларининг қўшимча манбаларини шакллантириш, қўшимча резервларни аниқлаш, солиқлар ва бошқа мажбурий тўловлар бўйича амалга оширилаётган ишлар тўғрисида” туман ҳокимининг биринчи ўринбосари, инвестиция масалалари бўйича ўринбосари, молия бўлими мудири ҳамда Давлат солиқ инспекцияси бошлиғининг ҳисоботлари тўғрисида”ги ва бошқа масалалар муҳокама этилди.
Кун тартибидаги дастлабки масала юзасидан Фуқаролик ишлари бўйича Амударё туман суди раиси Қайрулла Атамуродов ахборот берди. Сессия кун тартибидаги иккинчи масала юзасидан - Ўзбекистон Республикаси Президентининг Амударё туманидаги Халқ қабулхонасининг 2021 йил 1 чорагида туманни комлекс ижтимоий-иқтисодий ривожлантириш бўйича секторлар ва ҳудуддаги ташкилотлар раҳбарлари фаолияти, мурожаатлар билан ишлаш ҳолати юзасидан Халқ қабулхонаси мудири Эркин Ражабовнинг ахбороти тингланди.
Шунингдек, тумандаги тадбиркорлар ҳуқуқлари ва қонуний манфаатларини таъминлаш, уларнинг мурожаатларини кўриб чиқиш бўйича тумандаги Ўзбекистон Республикаси Бош вазирининг тадбиркорлар мурожаатларини кўриб чиқиш қабулхонаси мудири Акбаржон Хўжамуродовнинг ахбороти, 2021 йилнинг 1-чорагида ҳуқуқбузарликларнинг олдини олиш ва уларнинг профилактикаси ҳолати тўғрисида туман Ички ишлар бўлими бошлиғи Улуғбек Худойбергановнинг ахбороти тингланди. Ахборотда таъкидландики, туманимизда тинчликни сақлаш, ижтимоий-сиёсий барқарорликни таъминлаш, уюшган жиноятчилик, коррупция, диний экстремизм ва терроризмга қарши курашиш, ҳуқуқбузарликнинг олдини олиш, содир этилган жиноятларни ўз вақтида фош қилиш, шунингдек, ҳар қандай фавқулодда ҳодисалар содир этилишининг олдини олиш борасида жорий йилда туман ИИБ, жамоатчилик вакиллари ва бошқа масъул ташкилотлар билан ҳамкорликда бир қатор тезкор-профилактик тадбирлар амалга оширилган.
Навбатдаги масала - туман даражасидаги давлат органлари ва ташкилотларнинг норма ижодкорлиги ва ҳуқуқни қўллаш амалиёти ҳолати бўйича туман Адлия бўлими бошлиғи Мўъминжон Матюсуповнинг ахбороти тингланди. Ахборотда таъкидланишича, Амударё туман Адлия бўлими ҳам 2021 йил 1-чораги давомида ўз функционал вазифаларини бажариш баробарида муайян ишларни амалга оширди.
Бўлимга 2021 йил 1-чораги давомида жами 52 та ариза ва шикоят келиб тушган бўлиб, ушбу мурожаатларнинг 46 таси ариза, 6 таси шикоятни ташкил қилади. Бўлимга келиб тушган мурожаатларнинг 45 таси ҳал қилиниб, шундан 24 та ариза ва шикоятлар қаноатлантирилган, 21 тасига ҳуқуқий тушунтириш берилган. Бўлим ходимлари томонидан 2021 йил 1-чорагида бевосита шахсий қабулда 46 нафар, сайёр қабулларда 8 нафар фуқаролар қабул қилинган.
Амударё тумани маҳаллий бюджетининг 2021 йил 1-чорагидаги ижроси тўғрисида туман Молия бўлими бошлиғи Улуғбек Бекниёзовнинг ахбороти тингланди. Маърузачи 2021 йил I-чорак давомида туман маҳаллий бюджети даромадлар режаси 11 143 626,0 минг сўмни ташкил қилгани, ушбу режанинг ижроси 13 756 662,4 минг сўмга, яъни режа 123,4 фоизга бажарилганини маълум қилди.
Бундан ташқари, Қорақалпоғистон Республикаси бюджетидан олинган максадли ижтимоий трансфертлар миқдори 28 624 612,0 минг сўмни ташкил қилди.
2021 йил I-чорак давомида бюджет харажатлари режаси киритилган ўзгаришлардан кейин жами 45 587 255,1 минг сўмни ташкил қилди. 2021 йил I-чорак давомида бюджет маблағлари харажатлари ҳисобидан жами 42 721 766,12 минг сўмлик маблағлар сарфлангани таъкидланди.
Шунингдек, туманда ижтимоий-иқтисодий ривожлантириш дастурларини амалга ошириш, янги иш ўринлари барпо этиш, инвестиция лойиҳаларини амалга ошириш, маҳаллий бюджет даромадларининг қўшимча манбаларини шакллантириш, қўшимча резервларини аниқлаш, солиқлар ва бошқа мажбурий тўловлар бўйича амалга оширилаётган ишлар тўғрисида туман ҳокимининг биринчи ўринбосари Маъмуржон Темирбоев, Инвестиция масалалари бўйича ўринбосари Рашид Салаев, Молия бўлими мудири Улуғбек Бекниёзов, туман Давлат солиқ инспекцияси бошлиғи А.Сеитовларнинг ҳам ахборотлари ҳам тингланди.
Сессия кун тартибида кўрилган барча масалалар депутатлар томонидан қизғин муҳокама этилди. Сессияда кўрилган масалалар юзасидан тегишли қарорлар қабул қилинди.
Туман ҳокимлигининг ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
