Умумтаълим мактабларида "Сўнгги қўнғироқ" тадбирлари ўтказилмоқда
Бугун 25 май куни мамлакатимиздаги барча мактабларда 2020/2021 ўқув йили якунланиши муносабати билан "Сўнгги қўнғироқ" тадбирлари бўлиб ўтмоқда.
Амударё туманидаги умумтаълим мактабларида ўтказилаётган тадбирларда ҳам депутатлар, ҳокимлик масъуллари, муассаса, корхона ва ташкилотлар раҳбарлари, давлат ва жамоат арбоблари иштирок этиб, ўқувчиларни бугунги сана билан муборакбод этмоқда.
Амударё тумани ҳокими Султонбой Йўлдашев ҳам туманимиздаги 14-сонли мактабда ўтказилган тадбирда иштирок этиб, ўқувчиларга табрик йўллади.
Туман ҳокимининг айнан ушбу мактабга ташриф буюргани бежиз эмас. Сабаби, яқиндагина ушбу мактабнинг 11-синф ўқувчиси Балкумис Реимбаева қозоқ тили ва адабиёти бўйича ўтказилган фан олимпиадасининг тўртинчи – мамлакат босқичида Ўзбекистонда 1-ўринни олди.
Туман ҳокими Балкумисни ушбу ғалабаси билан табриклаб, унинг отаси Толеген Бўранбоев ва онаси Амангул Айтбаевага, ўқитувчиси Майра Умирбаевага туман ҳокимлиги номидан, шахсан ўзи номидан чуқур миннатдорчилик билдирди ҳамда ўқувчи қизга смартфон совға қилди.
Туман ҳокими ўз нутқида Президентимизнинг мамлакатимиз мактабларининг битирувчи ўғил-қизларига йўллаган табриги мазмун-моҳиятига ҳам тўхталиб ўтди. Давлатимиз раҳбарининг табригида таъкидланганидек, мактабни битириб чиқаётган йигит-қизларимиздан биронтаси эътибордан четда қолмаслиги алоҳида қайд этилди.
Туман ҳокимлигининг ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
