ЖИСМОНИЙ ТАРБИЯ ФАН ОЙЛИГИ ДОИРАСИДА СПОРТ ТАДБИРЛАРИ ЎТКАЗИЛДИ
Ёшлар ҳаётини тубдан ўзгартириб, қалбларида олам-олам орзулар уйғотган 5 та муҳим ташаббувнинг бири уларнинг бўш вақтларини мазмунли ўтказиш, спортга кенг жалб этган ҳолда, бу борадаги қобилиятларини ривожлантиришга кўмаклашишдан иборатдир. Соҳа мутахассислари томонидан амалга оширилаётган саъй-ҳаракатлар туфайли сўнгги йилларда спортга қизиқувчи ва спорт билан шуғулланувчи ёшлар ҳам, турли хил спорт тўгараклари сони ҳам кескин ошди.
Туманимиздаги 36-сонли умумтаълим мактабида ҳам кўплаб спорт тўгараклари фаолияти йўлга қўйилган бўлиб, бу тўгаракларда 1-синфдан 11-синфгача бўлган ўқувчи-ёшлар ўзлари қизиққан йўналишлар бўйича шуғулланишлари учун барча шароитлар яратилган.
Хусусан, жисмоний тарбия фани ойлиги доирасида “Спортни сев, спорт билан яша!” шиори остида бири-биридан қизиқарли спорт мусобақалари, викторина саволлари, спорт турлари бўйича синфлараро беллашувлар ўтказилди.
Фан ойлиги доирасида ўтказилган “Паҳлавон Маҳмуд издошлари” шиори остида ўтказилган паҳлавон болалар мусобақаларида 11-синф ўқувчилари Жўрабек Аҳмедов 1-ўринни, Абдулла Йўлдошев 2-ўринни, 9-синф ўқувчиси Темур Бобожонов ва 8-синф ўқувчиси Оғабек Йўлдошев 3-ўринни эгаллашди.
Шунингдек, фан ойлиги доирасида “Чаққонлик ва эпчиллик – ғолибликка элтади” шиори остида ўтказилган стол тенниси мусобақалари ҳам таассуротларга бой бўлди. 8-10-синфлар спортсевар ёшлари ўртасида ўтказилган футбол бўйича мусобақалар эса мактабимизнинг иқтидорли чарм тўп усталарини кашф этди. Ҳар бир синф ўқувчиларидан иборат жамоалар ўртасида кечган қизғин мусобақаларда 1-ўрин 10 “В” синф ўқувчилари жамоасига, 2-ўрин 10 “Б” синфга, 3-ўрин эса 11 “Б” синф футболчилар жамоасига насиб этди.
Фан ойлиги доирасида ўтказилган барча тадбирлар ойлик якунида умумлаштирилди. Синфлараро мусобақалар ташкил этилди, ўқувчиларнинг йил давомида жисмоний тарбия фанидан олган билим ва кўникмалари бўйича ўқув йилининг 4-чорак якунлари чиқарилди. Ғолиблар ва аълочи ўқувчилар рағбатлантирилди.
Солийбой ЙЎЛДОШЕВ, Омонбой ҚУРБОНБОЕВ, 36-сонли мактабнинг жисмоний тарбия фани ўқитувчилари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
