“Соғлом бола йили” янгиликлари
Энг намунали бўлинма
Яқинда "Маҳалла" хайрия жамоат фонди туман (шаҳар) бўлинмаларининг илғор иш тажрибаларини оммалаштириш мақсадида "Ўзбекистон "Маҳалла" хайрия жамоат фондининг "Энг намунали бўлинмаси" танловининг Қорақалпоғистон Республикаси босқичи бўлиб ўтди. Танловда Фонднинг Амударё тумани бўлинмаси энг юқори балл тўплаб, биринчи ўринни қўлга киритди.
Ҳовли тўйлари ўтказилмоқда
Туманимизда аҳолини замонавий уй-жойлар билан таъминлаш мақсадида бир қанча ишлар амалга оширилмоқда.
Шу йилнинг июнь ойида "Тақирқалъа" мавзесида 5 та ва "Вахум" аҳоли пунктида 5 та намунавий лойиҳалар асосида қурилган уй-жойлар ўз эгаларига топширилди.
Яқин кунлар ичида яна 38 та шундай уй-жойларда ҳовли тўйлари ўтказилади.
Янги пахта тозалаш заводи
"Юлдуз" ҳиссадорлик жамияти "Оқ олтин" овули ҳудудида жойлашган "Оқ олтин" пахта тозалаш кичик заводи ўрнида янгидан шакллантирилмоқда.
Ҳозирги кунда ушбу янги пахта тозалаш заводи ҳудуди ободонлаштирилиб, унинг қошида савдо ва маиший хизмат кўрсатиш объектлари қурилиши поёнига етказилмоқда.
Мазкур пахта тозалаш заводи янги пахта қабул қилиш мавсумида ўз фаолиятини бошлайди.
Таъмирлаш ишлари якунланди
Қиличбой овулидаги 15-сонли умумтаълим мактабида ва Амударё қишлоқ хўжалик касб-ҳунар коллежида капитал таъмирлаш ишлари ниҳоясига етказилиб, ушбу илм масканлари янги ўқув йилига тўла шай қилиб қўйилди.
15-сонли умумтаълим мактабида "304-КМК" МЧЖ томонидан 685,6 млн. сўмлик ва Амударё қишлоқ хўжалик касб-ҳунар коллежида "Қурилиш хизмат" МЧЖ томонидан 981,7 млн. сўмлик қурилиш-таъмирлаш ишлари амалга оширилди.
Янги объектлар иш бошлади
* Туманимизнинг "Чойкўл" овулидаги "Босу" маҳалласида "Юлдузхон-Садоқат" МЧЖга қарашли умумий овқатланиш шохобчаси иш бошлади. Шохобчада 8 нафар фуқаро иш билан таъминланди.
(Реклама ҳуқуқи асосида)
* Яқинда "Холимбег" овулининг "Аёқчи" маҳалласида мослаштирилган бинода болалар боғчаси иш бошлади. Бу қулайликдан маҳалла аҳолиси хурсанд бўлишмоқда.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
