Қадриятларимиз қадр топмоқда
Истиқлол туфайли жаннат-макон мамлакатимизда ислом дини равнақи йўлида кенг имкониятлар очилди. Эътиқод эркинлиги қонуний равишда кафолатлаб қўйилди. Барча миллий ва диний қадриятлар тикланди, масжид ва мадрасаларнинг бинолари, ислом оламига оид нодир тарихий манбалар, осори атиқалар мусулмонларга қайтариб берилди. Уларнинг эмин-эркин ибодат қилишлари, диний таълим олишлари, диний адабиётларни нашр этишлари ва оммавий ахборот воситаларидан баҳраманд бўлишлари учун барча шароитлар яратилди. Рамазон хайити ва Қурбон ҳайитларининг биринчи кунлари дам олиш кунлари деб белгиланиб, байрам сифатида эълон қилинди.
"2014 йил – Соғлом болайили”да Рамазон ойи муносабати билан бой миллий қадриятлар ва анъаналаримизни кенг тарғиб қилиш, фуқаролар ўртасида меҳр-мурувват, ўзаро ёрдам, саховат каби туйғуларнинг янада намоён бўлишига эришиш масалаларига алоҳида эътибор қаратилмоқда. Бу борада амалга оширилаётган ишлар учун Президентимиз Ислом Каримовнинг 2014 йил 24 июнда қабул қилинган "Муборак Рамазон ойини муносиб тарзда ўтказиш тўғрисида”ги Қарори муҳим дастуриламал бўлиб хизмат қилмоқда. Муборак ойни байрамона ўтказиш, ободонлаштириш ва хайрия тадбирларида аҳоли, айниқса, ёшларнинг фаол иштирокини таъминлаш, халқимизга хос дўстлик ва меҳр-оқибат туйғуларини улуғлашга қаратилган маънавий-маърифий ишлар олиб борилаётганини алоҳида таъкидлаш зарур.
Рамазон ойи билан боғлиқ тадбирлар доирасида юртимиздаги икки мингдан зиёд масжидларда таровеҳ намозлари тинчлик-осойишталик, ҳамжиҳатлик, ўзаро ҳурмат ва бағрикенгликда адо этилмоқда, хатми Қуръонлар қилинмоқда. Шу билан бирга ушбу муборак ойни ғанимат билиб, юртдошларимиз эзгу ишларни қилишга шошилган ҳолда, савоб ишларни кўпайтиришга, ўзаро ҳурмат ва ҳамжиҳатлик муҳитини янада мустаҳкамлашга, халқимизга хос фазилатларни, миллий-диний қадриятларимизни улуғлашга интилмоқдалар. Буларнинг барчаси истиқлол шарофати ҳамда давлатимиз раҳбарининг миллий ва диний қадриятларимиз ривожига қаратаётган доимий эътибори туфайлидир.
Аллоҳ таолобарчаларимизни улуғ, азиз мустақиллик неъматига шукурлар айтиб, унинг янада мустаҳкам ва бардавом бўлиши йўлида савобли амалларни қилишимизга насиби рўз айласин.
Ёқуббой Аҳмедов,
"Қўзибой бобо” жомеъ масжиди имом-хатиби.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
