Жамият 29.09.2021 👁 147

СУД МАСЪУЛЛАРИ МАҲАЛЛАЛАРДА УЧРАШУВЛАР ЎТКАЗИШДИ

Нукус шаҳридаги Гулзар, Ботаника боғи, Жийдели байсын, Наўқан бағ ва Шымбай шайхана маҳаллаларида суд масъулларининг учрашувлари ўтказилди. Ўзбекистон Республикаси Олий Мажлиси Сенати раиси Т.Норбоева ҳамда Қорақалпоғистон Республикаси Жўқарғи Кенгеси раиси М.Камоловлар томонидан тасдиқланган “Қорақалпоғистон Республикасида жиноятларни жиловлаш, жиноятчилик профилактикасини янада такомиллаштириш, одил судловни таъминлаш ва коррупциядан ҳоли ҳудудга айлантириш бўйича Йўл харитаси”нинг 24-банди ижросини таъминлаш мақсадида ўтказилган ушбу учрашувларда ҳудуд фуқаролари иштирок этдилар.
Нукус туманлараро Иқтисодий суди судьяси М.Каримбаева томонидан “Йўл харитаси”га кўра фуқароларнинг ўзини ўзи бошқариш органлари билан ҳамкорликда ўтказилган мазкур тадбирларда ҳукуқбузарликларнинг олдини олиш, жиноятчиликка қарши курашда амалга оширилаётган ишлар тўғрисида тушунтиришлар берилди. Ундан ташқари, Ўзбекистон Республикасининг 2021 йил 16 августдаги “Ер участкаларини ажратиш ва улардан фойдаланиш, шунингдек, ерларни ҳисобга олиш ва давлат ер кадастрини юритиш тизими такомиллаштирилиши муносабати билан “Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида” ги ЎРҚ-708-сонли Қонуни ҳамда Ўзбекистон Республикасининг 2021 йил 20 августдаги “Интеллектуал мулк объектларининг ҳуқуқий муҳофазаси янада такомиллаштирилиши муносабати билан “Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўгрисида”ги ЎРҚ-709-сонли Қонунларининг мазмун-моҳияти тўғрисида ҳам батафсил маълумот берилди. Бу борада доимий равишда амалга оширилиши лозим ва шарт бўлган чора-тадбирлар, вазифалар тўғрисида сўз юритилди.

Учрашув давомида ҳуқуқбузарликлар профилактикаси, жиноятчиликка қарши курашиш, аҳолининг ҳуқуқий саводхонлигини ошириш борасидаги мавжуд муаммолар ҳам ўрганиб чиқилди.
Фуқаролар суд масъулларига ўзларини қизиқтирган саволлар билан мурожаат қилиб, тегишли жавоблар олишди.