Болалар нафақасини тайинлашдаги ўзгаришлар тушунтирилмоқда
Мамлакатимиз Президенти Шавкат Мирзиёев юртимиз келажаги ҳисобланмиш ёш авлод камолотига ғамхўрликни тобора кучайтирмоқда. Уларнинг соғлом, баркамол бўлиб вояга етишлари, юртимиз равнақига муносиб ҳисса қўшадиган, илмли давримизга муносиб бўлишлари учун шароитларни яратмоқда. Хусусан, 2021 йилнинг 11 августида қабул қилган “Кам таъминланган оилаларга моддий ёрдам кўрсатиш ҳамда камбағаллик билан курашиш кўламини кенгайтириш чора-тадбирлари тўғрисида”ги Фармони ҳам шу мақсадга қаратилганлиги билан аҳамиятлидир.
Бола тарбиялаётган оилаларни қўллаб-қувватлаш тизимининг самарадорлигини ошириш, ижтимоий ҳимоя ва кўмакка муҳтож оилалар моддий таъминотини кучайтиришга хизмат қилувчи ушбу фармондаги ўзгаришларни аҳолига кенг тарғиб қилиш юзасидан барча овул ва маҳаллалар аҳолиси билан Бюджетдан ташқари пенсия жамғармаси туман бўлими ходимлари учрашувлар ўтказишмоқда.
Шундай тарғибот тадбирларидан бири Манғит шаҳридаги Дўстлик маҳалласида бўлиб ўтди. Маҳалла фуқаролар йиғини маъмурий биносида бўлиб ўтган учрашувда Бюджетдан ташқари пенсия жамғармаси туман бўлимининг масъул ходимлари Азамат Кенжаев, Сирожиддин Жумабоев, Сарвар Комилжоновлар йиғилган аҳолига Президентимизнинг ушбу фармонига кўра ёш болали оилаларни, моддий ёрдамга муҳтож оилаларни қўллаб-қувватлаш бўйича амалиётга жорий қилинган ўзгаришлар, уларнинг аҳамияти хусусида батафсил тушунтирдилар.
Тадбирда таъкидландики, шу йилнинг сентябридан бошлаб, 14 ёшгача болалари бўлган оилаларга нафақа ҳамда бола 2 ёшга тўлгунигача уни парвариш қилиш нафақаси ўрнига кам таъминланган оилаларга болалар нафақаси жорий этилди. Бунда инобатга олинадиган болалар ёши 14 ёшдан 18 ёшга оширилди. Тўлов муддати эса аввалги 6 ой ўрнига 12 ой қилиб белгиланди. Нафақа миқдорини эса оиладаги болалар сонидан келиб чиқиб белгилаш тартиби ўрнатилди.
Шунингдек, якка-ёлғиз бўлган фуқароларга, фарзанди бўлмаган ёки барча фарзандлари 18 ёшдан катта бўлган кам таъминланган оилаларга ойлик миқдори 380 минг сўм моддий ёрдам тайинланади.
2021 йил 1 сентябригача тайинланган 14 ёшгача фарзандлари бўлган кам таъминланган оилаларга нафақа, эсда тутиш лозимки, бола 2 ёшга тўлгунга қадар уни парвариш қилиш нафақаси ҳамда кам таъминланган муҳтож оилаларга моддий ёрдам пуллари муддатлари тугагунига қадар аввалги тартибда сақланиб қолади.
Тадбирда иштирок этган маҳалла аҳолиси вакиллари маъулларга ўзларини қизиқтирган саволларни бериб, атрофлича жавоблар олдилар ва Юртбошимизнинг 2021 йил 11 августда қабул қилган 6277-сонли Фармонига мувофиқ жорий этилган ўзгаришлар хусусида чуқур билимга эга бўлдилар.
Дўстлик маҳалла фуқаролар йиғини масъуллари бунинг учун Бюджетдан ташқари пенсия жамғармаси бўлими ходимларига миннатдорчилик билдирдилар
Ойгул Ражабова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
