МАКТАБГАЧА ТАЪЛИМ ТАШКИЛОТЛАРИДА ПЕДАГОГЛАР ФАОЛИЯТИГА ЭЪТИБОР КУЧАЙТИРИЛМОҚДА
Педагогиканинг бош масаласи тарбия саналади. Тарбия жараёнида эса боланинг онги, ҳис-туйғулари шаклланади. Мактабгача таълим педагогикаси болаларнинг, ёш ва индивидуал хусусиятларини эътиборга олган ҳолда уларнинг ҳар томонлама ривожланишини таъминлашга хизмат қилади.
Мактабгача таълим ташкилотлари педагог-тарбиячилари ёш авлодни жамиятга муносиб, комил инсонлар қилиб тарбиялашдек муҳим ва масъулиятли вазифани бажаради. Ўз навбатида тарбиячининг дунёқараши кенглиги, билими таълим-тарбияда катта аҳамият касб этади. Шу боис уларнинг малакасини, маҳоратини ошириб боришга алоҳида эътибор қаратилади.
Тумандаги МТТларда жами 803 нафар педагог-ходимлар фаолият юритиб келмоқда. Шулардан 349 нафари олий маълумотли, 454 нафари ўрта махсус маълумотли педагог-тарбиячилар ҳисобланади. Шундан 725 нафари давлат МТТларида, 83 нафари нодавлат мактабгача МТТларида фаолият юритади. Ушбу педагог-тарбиячилар белгиланган режа асосида малака ошириб, иш тажрибаларини кенгайтириб келмоқда. Шунингдек, педагог-тарбиячиларнинг касбий конпетенциясини шакллантиришга қаратилган “Каскад” усулидаги семинар-тренинглар мунтазам равишда ўтказилмоқда. Семинарлар ва ташкил этилаётган ўқув жараёнларида уларга тарбия масканларида фойдаланилаётган “Илк қадам” дастурининг аҳамияти, унда кўзланган ўқитишнинг педагогик мақсадлари тушунтириб борилади. Дастур педагогларга болалар учун рағбатлантирувчи ўқитиш муҳитини қандай қилиб яратишга, бунга ота-оналарни ҳам қай йўл билан жалб қилишни тушуниш ва билиб олишга ёрдам беришини англатади.
Ёш авлоднинг келажакда комил инсон бўлиб вояга етиши бугун мактабгача таълим ташкилотларида берилаётган таълим-тарбияга боғлиқ. Мазкур жараён ота-она билан бир қаторда тарбия масканларидаги педагоглардан ҳам улкан масъулият талаб этади. Юқори касбий маҳорат, малакага эга бўлган педагог-тарбиячилар келажак авлоднинг етук ва баркамол инсонлар бўлиб вояга етишларига муносиб ҳисса қўшишади.
Солия Бобожонова, туман МТБнинг Давлат ва нодавлат мактабгача таълим ташкилотлари фаолиятини ҳамда ўқитишнинг муқобил шаклларини ташкил этиш шўъба мудири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
