ЎҚУВЧИЛАРГА ДАВЛАТ ХИЗМАТЛАРИДАН ЭЛЕКТРОН ФОЙДАЛАНИШ АФЗАЛЛИКЛАРИ ТАРҒИБ ЭТИЛДИ
Мамлакатимизда келажак авлодни ҳар томонлама баркамол ва билимли қилиб тарбиялашга жуда катта эътибор қаратилмоқда.
Ўзбекистон Республикаси Президентининг 2018 йил 11 апрелдаги “Давлат хизматлари кўрсатиш тизимини жадал ривожлантириш бўйича қўшимча чора-тадбирлар тўғрисида”ги Қарорига мувофиқ Давлат хизматлари марказлари барча умумий ўрта ва касб-ҳунар таълими муассасаларининг битирувчи синф ўқувчиларида зарур билим ва кўникмаларни шакллантиришга қаратилган «Давлат хизматларидан фойдаланиш маданияти» мавзусида ўқув-семинарлари ўтказиш амалиёти жорий этилган эди. Шунга кўра, туман Давлат хизматлари маркази ва туман Халқ таълими бўлими билан биргаликда умумий ўрта таълим мактабларида битирувчи синф ўқувчиларининг Давлат хизматларидан электрон фойдаланиш билим ва кўникмаларини ошириш мақсадида ўқув-семинар ташкил этиш режаси тасдиқланган. Режага мувофиқ тумандаги барча умумий ўрта мактабларида ўқув-семинар ўтказилмоқда.
Яқинда Амударё туманидаги 9-сонли умумий ўрта таълим мактабининг битирувчи синф ўқувчиларига ҳам «Давлат хизматларидан электрон фойдаланиш билим ва кўникмаларини ошириш» бўйича ўқув-семинари ўтказилди.
Тадбирда туман Давлат хизматлари маркази бўлим бошлиғи Умида Сафарбоева, алоқа оператори Жўрабек Худойбергановлар кун тартибидаги масалалар юзасидан маъруза қилдилар. Шунингдек, ўқувчи-ёшларнинг бу борадаги билимларини синовдан ўтказиш мақсадида савол-жавобларга ҳам кенг ўрин берилди. Ўқув-семинар давомида ўқувчи ёшлар давлат хизматлари, турлари, улардан электрон фойдаланиш афзалликлари ва қулайликлари ҳақида ўзларини қизиқтирган саволларни бериб, жавоблар олишди.
Бу каби тадбирларнинг ўтказилиши ёш авлоднинг келажак ҳаётида муҳим ўрин эгаллаши шубҳасиз. Боиси бугунги кунда давлат хизматлари соҳасида амалга оширилаётган ислоҳотлар уларнинг комил инсон бўлиб, ҳар соҳада етук мутахассис бўлиб етишига хизмат қилади.
Туман Давлат хизматлари маркази орқали кўрсатилган ҳамда интернет тармоғи орқали фойдаланилган давлат хизматлари сони жорий йилнинг ўтган даврида 62 минг 18 тани ташкил қилади. Шу жумладан 1 минг 533 давлат хизматидан интернет тармоғи орқали, 60 минг 485 давлат хизматлари туман Давлат хизматлари марказлари орқали кўрсатилган.
Давлат хизматларидан электрон шаклда фойдаланишда фуқаролар бир қанча қулайликлар яратилмоқда. Шу боисдан интернет тармоғи орқали давлат хизматларидан фойдаланиш борасида ўтган йилларга нисбатан кўрсаткичлар юқори даражада. Бунда тумандаги умумий ўрта таълим мактабларида туман Давлат хизматлари маркази хизматларидан электрон фойдаланиш афзалликлари кенг тарғиб этилаётганлигининг улкан ўрин бор.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
