49-сонли мактабда хорижий тиллар фан ойлиги доирасида бир қатор тадбирлар ўтказилди
Умумий ўрта таълим мактабларида ўқувчиларга қай даражада билим берилаётганлиги, ўқувчиларнинг Давлат таълим стандартларида белгиланган билим, кўникма ва малакаларни қай даражада ўзлаштирилаётганлигини баҳолаб боришда, таълим сифат ва самарадорлигини оширишда фан ойликлари муҳим аҳамият касб этади. Шу билан бир қаторда фан ойликлари иқтидорли ўқувчиларнинг қобилиятларини маълум бир мақсадга йўналтириш, истеъдодли, изланувчан, ижодкор ўқитувчиларни аниқлаш, уларнинг тажрибаларини оммалаштириш, таълим-тарбия жараёнида қўлланилаётган услубларни такомиллаштиришга ҳам хизмат қилади.
Шу боисдан ҳам туманимиз мактабларида ўқув йилининг ҳар бир ойида маълум фанлар ойликларини юксак савияда ўтказишга ҳаракат қилинади. Хусусан, ноябрь ойи хорижий тиллар фан ойлиги, дея белгиланганлиги муносабати билан мактабларда фан ўқитувчилари ёш авлодга чуқур билим бериш билан бирга, кўпгина маънавий, маърифий тадбирлар ўтказишиб, бутун салоҳиятини намойиш этишмоқда, ижодкор ўқувчиларга алоҳида эътибор қаратилмоқда.
49-сонли умумий ўрта таълим мактабида ҳам ноябрь ойи бошида ойлик доирасида амалга ошириладиган ишлар режаси тасдиқланиб, шу асосда ҳар бир хорижий тиллар ўқитувчилари ўзлари дарс бераётган синфлар ўқувчилари билан дарсдан ташқари машғулотлар, савол-жавоб кечалари, адабий суҳбатлар ташкиллаштирмоқдалар.
Шундай тадбирлардан бири шу йил.... ноябрь куни бўлиб ўтди. Фан ойлиги доирасида бўлиб ўтган маънавий-маърифий тадбирда мактабнинг немис тили фани ўқитувчиси Гулчеҳра Садатова ўзи таълим бераётган синфда ўқув режага асосан, ахборот коммуникацион воситалар асосида дарс ўтди. У дарсида ўқувчиларнинг жорий ўқув йили давомида олган билим ва кўникмаларини намойиш қилиш мақсадида аввалги дарсларда олган билимларини такрорлаш савол-жавоблари орқали кўрсатиб берди. Шунингдек, уйга берилган топшириқ ижросини ҳам назорат қилди. шу кунги дарс машғулоти мавзуси тушунтирилиб, ўқувчилар билимини мустаҳкамлаш учун савол жавобларга ҳам ўрин берилди. Ўқувчилар ўзлар олган немис тилидаги шеърларидан намуналар ҳам ўқидилар.
Шу куни фан ойлиги доирасидаги тадбирда мактабнинг рус тили фани ўқитувчилари Роза Ерназарова, Ўрозбой Алиевлар ҳам ўқувчиларининг олган билимларини намойиш этдилар. Ўқувчилар ижро этган шеърлар, рус халқ қўшиқлари, рақслари уларнинг ижодий қобилиятлари ҳам юқори эканлигини кўрсатди.
Навбат ингилз тили фани ўқитувчилари Гўзал Сафарбоева, Осиё Собироваларга берилди. Улар ўқувчиларга инглиз тилини ўқитиши борасида ўз тажрибалари, эришаётган ютуқлари хусусида гапирдилар. Улардан таълим олаётган ўқувчиларнинг инглиз тилида ижро этган қўшиқлари, шеърлари барчанинг ҳавасини келтирди.
Тадбирда фаол қатнашиб, ўз иқтидорларини намойиш этган ўқувчилар мактаб маъмурияти томонидан рағбатлантирилди. Мактаб директорининг маънавий-маърифий ишлари бўйича ўринбосари Раматилла Ортиқов тадбирни намуна ташкил этганлари учун ташкилотчилар – хорижий тиллар ўқитувчиларига миннатдорчилик билдирди.
Тадбир ўқувчиларнинг хорижий тилларни ўрганишга қизиқишларини оширди. Ахир тил билган – эл билади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
