“ХАВФСИЗ ТУН” РЕЙД ТАДБИРЛАРИ ДАВОМ ЭТМОҚДА

Мамлакатимизнинг барча ҳудудларидаги янгиланишлар, ўзгаришлар, барча соҳалардаги ривожланишлар асоси тинчлик-осойишталик эканлиги барчага аён.

Юртдошларимиз ҳаёти сифати тобора ошиб, турмуши фаровонлашаётгани барчамизни қувонтиради. Бироқ ана шундай дориломон кунларнинг қадрига етмайдиган, жамиятдаги мавжуд қонун-қоидаларни менсимайдиган турли ҳуқуқбузарликлар содир этаётган шахслар ҳам учраб туриши бор гап.

Ички ишлар тизими ходимлари жамоат ташкилотлари билан ҳамкорликда халқимиз тинч-осойишталигини сақлаш борасида тизимли ишлар олиб боришмоқда.

Ўзбекистон Республикаси Ички ишлар вазирлиги кўрсатмасига биноан мамлакатимиз бўйлаб ўтказилаётган “Хавфсиз тун” рейд тадбирлари ҳам шу мақсадга қаратилган.

Туманимизда жиноятчилик ва ҳуқуқбузарликларга қарши курашиш, юртдошларимизнинг ҳаёти осуда ва тинч бўлишини таъминлашга хизмат қилувчи шундай тадбирлар қатъий тартиб-интизом асосида ўтказилмоқда.

Шу йилнинг 23-24 ноябрь кунлари Манғит шаҳри, Хитой, Куюк кўпир овуллари ҳудудлари бўйлаб ўтказилган “Хавфсиз тун” рейд тадбирларига Ички ишлар вазирлигининг йўл ҳаракати хавфсизлиги бошқармаси 2-сафарбарлик гуруҳидан 11 нафари, Қорақалпоғистон Республикаси Ички ишлар вазирлиги пост патруль хизмати ва жамоат тартибини сақлаш бўлими батальон ходимларидан 4 нафари, Ички ишлар вазирлиги Алоҳида вазифаларни бажарувчи сафарбар отряди ходимларидан 11 нафари ва туман Ички ишлар бўлими ҳуқуқбузарликлар профилактикаси бўлими профилактика инспекторлари, йўл ҳаракати хавфсизлиги, пост-патруль хизмати, жамоат тартибини сақлаш гуруҳи инспекторлари қатнашдилар ва 5 йўналишда тунги вақтларда иш олиб бордилар.

Рейд тадбирлари давомида ҳудудларда 154 та қоидабузарликлар аниқланди. Шуларнинг 5 таси маст ҳолатда транспорт воситасини бошқариш, 16 таси тегишли ҳужжатлари мавжуд бўлмаган ҳолатда транспорт воситасини бошқаришдир. Бу ҳолатларда бошқарилган транспортлар вақтинча жарима майдонига қўйилди.

Тадбир давомида  кўчаларда юрган 19 нафар маст ҳолатдаги фуқаролар аниқланди ва туман Ички ишлар бўлимига олиб келиниб, профилактик суҳбатлар ўтказилди.

Шунингдек, кўчаларда бемақсад юрган 98 нафар фуқаролар ҳудудлардаги таянч  пунктларга олиб келиниб вақтларини фойдали ишларга сарфлаш, ноўрин кўчаларда тўпланиб турмаслик, ноқонуний хатти-ҳаракатлар қилмаслик лозимлиги тушунтирилди. Кўчада юриш-туриш қоидаларини бузганлиги учун 3 нафар фуқаролар маъмурий қамоққа олинди. Спиртли ичимликларга ружу қўйган 3 нафар фуқаролар даволаниш муссасасига ётқизилди.

Тадбирлар давомида тумандаги жамоат жойлари, савдо объектлари, кўнгилочар жойлар ва бошқа жиноят ва ҳуқуқбузарликлар содир этиш эҳтимоли юқори бўлган жойларларга эътибор қаратилиб, назоратга олинди. Фуқаролар орасида тарғибот-ташвиқот ишлари олиб бориш давомида бозорлардаги савдо шахобчаларига, ҳамда бошқа тадбиркорлик субъектларига қарашли объектларга кузатув камералари ўрнатиш, тавсия этилди. Кузатув камералари жиноятчиликнинг олдини олишда ва содир этилган жиноятларнинг ўз вақтида очилишида муҳим аҳамиятга эгалиги, объектларнинг қўриқлаш пультига уланиши жиноятчиликнинг сезиларли камайишига олиб келиши тушунтирилди.     

Бунингдек рейд тадбирлари давом этмоқда.

 О.Қосимов, туман ИИБ ХПБ бошлиғи, майор.