Туман ички ишлар бўлими бошлиғи томонидан сайёр қабул ўтказилди
Аҳоли билан доимий мулоқот қилиш, фуқароларни қийнаётган муаммоларни ҳал этишнинг самарали механизми ва усуллари жорий этилгани мамлакатимизда амалга оширилаётган ислоҳотларнинг устувор йўналишига айланди. Одамларнинг дардини эшитиш, оғирини енгил қилиш юртдошларимизнинг адолатга, давлатга бўлган ишончини мустаҳкамлашга хизмат қилаётир.
Хусусан, секторлар раҳбарлари ва мутасадди идора ташкилот вакиллари томонидан мурожаатларни жойига чиққан ҳолда, сайёр қабуллар орқали қабул қилиш амалиёти кенг йўлга қўйилганлиги халқимизнинг давлат идораларига нисбатан ишончинининг янада ортиб боришига сабаб бўлмоқда.
Жорий йил 14 февраль куни Ўзбекистон маҳалла фуқаролар йиғини ҳудудида жойлашган 44-сонли умумтаълим мактабида фаол ёшлар иштирокида сайёр қабул ўтказилди. Қабулда туман Ички ишлар бўлими бошлиғи Улуғбек Худойберганов, ҳамда ўринбосари Фархад Абдураҳимов, туман Халқ қабулхонаси мудири Эркин Ражапов, шунингдек, туманда фаолият юритаётган тегишли ташкилот ва корхона раҳбарлари иштирок этишди.
Дастлаб, туман Ички ишлар бўлими бошлиғи Улуғбек Худойберганов томонидан маҳалла раиси ва маҳаллада фаолият юритаётган ёшлар етакчисига жиноятчиликнинг олдини олишда “маҳаллабай” ва “хонадонбай” иш ташкил этиш лозимлиги ҳақида тушунтиришлар берилди.
Шунингдек, ёшлар билан мулоқот жараёнида манзилли дастурлар ва фуқаролардан ички ишлар органларига ҳамда расмий сайтларга келиб тушаётган саволлар ва мурожаатлар таҳлили орқали ёшлар учун бугунги кундаги долзарб мавзулар аниқлаб олинди.
Қабулда иштирок этган 30 га яқин ёшлардан 10 дан ортиқ мурожаатлар келиб тушди. Мурожаатлар мазмуни асосан имтиёзли кредит олиш, тўлов-контрактнинг бир қисми тўлаб берилишида амалий ёрдам берилиши, e-auksion орқали ер олиш тартиби, таълим кредити олиш ва бошқа маслаларда бўлди.
Туман Халқ қабулхонаси мудири Эркин Ражапов эса мурожаатлар ҳеч қачон эътибодан четда қолмаслигини, иложи борича ижобий ечим топишини таъкидлади.
Шунингдек, ёшлар учун, умумун туманимизда истиқомат қилаётган ҳар бир фуқаро учун, туман Халқ қабулхонаси эшиклари доимо очиқлиги, ҳар бир фуқаро ўз муаммолари билан бемалол мурожаат қилишлари мумкинлигини айтиб ўтди.
Учрашув давомида ёшлардан келиб тушган ҳар бир мурожаат атрофлича ўрганилиб, тегишли соҳавий ташкилот раҳбарларига мурожаатларни ўз вақтида, адолатли ва холис кўриб чиқиш юзасидан аниқ топшириқлар берилди.
Бундай учрашувларнинг ўтказилиши аҳолининг турмуш фаровонлигини янада яхшилаш, энг муҳими муаммоларни ижобий ҳал этиш орқали халқни рози қилиш учун хизмат қилиши билан алоҳида аҳамият касб этади.
Ф. Эшимбетова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
