Депутатлар сайловчилар билан учрашиб, ҳудуддаги эҳтиёжманд оилалар ҳолидан хабар олмоқда
Қорақалпоғистон Республикасидаги барча даражадаги депутатларнинг фаоллигини янада ошириш мақсадида 9 мартдан 19 мартгача депутатлар фаолиятида “Долзарб 10 кунлик” эълон қилинган эди. Бундан кўзланган асосий мақсад депутатларнинг сайлов округларида аҳоли билан учрашувлари ўтказиш орқали халқ билан мулоқотни янада яхшилаш, халқ вакилларининг ҳудудларни ижтимоий-иқтисодий ривожлантириш ва аҳоли турмуш фаровонлигини янада яхшилашдаги иштирокини оширишдан иборатдир.
Бу борада Ўзбекистон Либерал-демократик партиясидан Қорақалпоғистон Республикаси Жўқорғи Кенгеси ва халқ депутатлари Амударё туман Кенгашига сайланган депутатлар ҳам фаоллик кўрсатишмоқда.
14 март куни 33-Ўзбекистон сайлов округидан Қорақалпоғистон Республикаси Жўқорғи Кенгесига сайланган депутат Яхшимурод Аҳмедов ўз сайлов округидаги Ўзбекистон ва Қизилчоли маҳаллаларида бўлиб, аҳоли билан учрашди.
Учрашувда Ўзбекистон Либерал-демократик партияси туман Кенгаши аппарати раҳбари Мадамин Казаков, маҳалла фуқаролар йиғинлари раислари, ҳоким ёрдамчилари, ёшлар етакчилари ҳамда худуддаги маҳалла фаоллари қатнашишди.
Сайловчилар билан учрашув давомида 2022-2026 йилларда Янги Ўзбекистонни ривожлантириш стратегиясининг мазмун-моҳияти ҳамда ахамияти бўйича, қолаверса, Президентимизнинг жорий йил 23-24 февраль кунлари Қорақалпоғистонга ташрифи чоғида белгилаб берилган долзарб вазифаларнинг бажарилиши хақида сайловчиларга кенг турда тушунтириш берилди.
Учрашувдан сўнг, худуддаги 95 ёшли нуроний онахон Хатича Хайтимбетованинг ҳолидан хабар олиниб, Наврўз байрами олдидан совға-саломлар берилди. Шунингдек депутат, якка тартибда таълим олаётган, болаликдан имконияти чекланган Шерзод Холбаевнинг хонадонида бўлиб ҳолидан хабар олди ҳамда унга ўқув қуролларидан иборат совғаларни топширди.
Шунингдек, Ўзбекистон Либерал-демократик партиясидан халқ депутатлари Амударё туман Кенгашига сайланган депутат Ғ.Ешниёзов ҳам ўз сайлов округида бўлиб, Куюк кўпир ОФЙ раиси, овулдаги ҳоким ёрдамчиси ва ёшлар етакчиси билан ҳудуддаги кам таъминланган ва эҳтиёжманд, боқувчисини йўқотган оилаларга 1 қопдан ун ҳамда мевали дарахт кўчатларини совға қилди.
Мадамин Казаков, ЎзЛиДеП Амударё туман Кенгаши аппарат раҳбари
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
