МАЪМУРИЙ НАЗОРАТ ЎРНАТИШГА ДОИР СУД МАЖЛИСИ ЎТКАЗИЛДИ
Маъмурий назорат – назорат остидаги шахсларга суд томонидан белгиланадиган маъмурий чекловларни қўллашдан иборат тарбиявий-профилактик таъсир кўрсатиш чораларидир. Суд томонидан белгиланган муддат мобайнида маъмурий назорат ўрнатилган шахс ўз ҳудудидаги ички ишлар органларининг мунтазам назоратида бўлади.
Яқинда Амударё тумани Ички ишлар бўлимининг мажлислар залида Жиноят ишлари бўйича туман суди томонидан Ички ишлар бўлимининг ҳуқуқбузарликлар профилактикаси бўлимида ҳисобда турган муқаддам судланган фуқароларга нисбатан маъмурий назорат ўрнатиш тўғрисидаги тақдимномаларига асосан иш материаллари кўриб чиқилди. Унда Жиноят ишлари бўйича туман суди раиси Жасур Ўразбоев, судья ёрдамчиси Элёр Жуманиёзов, туман Ички ишлар бўлими масъуллари ва профилактика инспекторлари, вояга етмаганлар масалалари бўйича инспектор-психологлар иштирок этдилар.
Дастлаб масъуллар “Жазони ижро этиш муассасаларидан озод этилган айрим тоифадаги шахслар устидан маъмурий назорат ўрнатиш туғрисида”ги Ўзбекистон Республикаси Қонуни ва унда белгиланган талаблар, мақсади кабилар тўғрисида тушунчалар беришди. Қонунга мувофиқ, маъмурий назорат вояга етган шахсларга суд томонидан ўрнатилиши, яъни ўта хавфли рецидивистлар, оғир ёки ўта оғир жиноятлар содир этганлик учун озодликдан маҳрум қилинган шахслар, шу жумладан бошқа давлатларда озодликдан маҳрум қилинганлар, қасддан қилинган жиноятлари учун икки ёки ундан ортиқ озодликдан маҳрум қилинганларга нисбатан қўлланилишини баён этдилар.
Ундан ташқари, туманда жиноятчилик ва ҳуқуқбузарликнинг олдини олишда тегишли давлат органлари ва ташкилотлар билан хамкорликда профилактик ва тарғибот ишлари олиб борилаётгани хусусида сўз юритдилар. Шунингдек, ҳудудларда вояга етмаганлар ва ёшлар ўртасида жиноятчилик, ҳуқуқбузарликларнинг олдини олиш мақсадида туман Ички ишлар бўлимининг Ҳуқуқбузарликлар профилактикаси бўлинмаси, вояга етмаганлар масалалари бўйича инпектор-психологлари томонидан тарғибот-ташвиқот ишлари олиб борилаётгани таъкидлаб ўтдилар.
Бўлиб ўтган суд мажлисида мазкур Қонуннинг талабидан келиб чиқиб, муқаддам оғир жиноят содир қилганлиги учун жазо муддатини ўтаб келган 1 нафар шахс устидан маъмурий назорат ўрнатилди. Ушбу фуқаронинг келгусида турмуш тарзи ва хулқ атворини назорат қилиш, қайта жиноят ёки ҳуқуқбузарликлар содир қилишига йўл қўймаслик мақсадида куннинг белгиланган вақти давомида яшаш уйидан чиқиш, спиртли ичимликлар қўйиб сотиладиган жойлар, яъни кафе ва шу каби бошқа овқатланиш жойларида бўлиш, ички ишлар бўлимининг рухсатисиз ҳудуддан чиқиб кетиш, алкоголли ичимликлар истеъмол қилмаслик каби чекловлар ўрнатилди. Шунингдек, унга маъмурий назоратдан бўйин товлаш мақсадида ҳудуддан ўзбошимчалик билан чиқиб кетса, ўрнатилган чекловларни бузса қайта жавобгарликка тортилиши тушунтирилди.
Суд мажлиси давомида тумандаги маҳаллалардан бирида яшовчи яна бир фуқаронинг безорилик қилиб, кўчада юриш-туриш қоидаларини бузганлигига доир иш ҳам кўрилди. Ушбу фуқаро Ўзбекистон Республикаси Маъмурий жавобгарлик тўғрисидаги кодекснинг 183-моддасида кўрсатилган ҳуқуқбузарликни содир қилганликда айбланди ва унга нисбатан 15 кунлик маъмурий қамоқ жазоси берилди.
О.Қосимов, туман ИИБ ҲПБ бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
