Кадрлар бўйича инспекторларнинг ҳуқуқий саводхонлигини ошириш мақсадида семинар ташкил этилди
Жорий йилнинг 10 июн санасида Амударё тумани Адлия бўлими ва туман Халқ таълими бўлими билан ҳамкорликда туманимиздаги 16-сонли ихтисослаштирилган давлат умумтаълим мактаби биносида кадрлар бўйича инспекторларининг ҳуқуқий саводхонлигини ошириш мақсадида семинар ташкил этилди. Семинарда кадрлар бўйича инспекторлар, тегишли идоралар иштирок этишди.
Ўтказилаётган ушбу семинарнинг асосий мақсади – Ўзбекистон Республикаси Президентининг 2022 йил 18 март кунги қарори билан янгидан татбиқ қилинаётган ўзгаришларнинг мазмун-моҳиятини тушунтиришдан иборат бўлди.
Юқоридаги қарор билан республиканинг барча туман ва шаҳарларида юридик хизмат билан таъминланмаган давлат органлари ва ташкилотлари, давлат умумий ўрта таълим мактаблари, мактабгача таълим ташкилотлари ҳамда кўп тармоқли, марказий ва оилавий поликлиникаларга 2022 йил 1 августдан тегишли Юридик хизмат кўрсатиш марказлари томонидан хизмат кўрсатилиши белгиланган.
Семинарда иштирокчиларга “E-ҳуқуқшунос” электрон тизими орқали ҳужжатлар алмашинуви тартиби ҳақида тушунчалар берилиб, юридик тусдаги барча ҳужжатларнинг меҳнат қонунчилигига тўла риоя қилган ҳолда тўғри расмийлаштиришини таъминлаш, шунингдек, масъул ходимларнинг ҳуқуқий саводхонлигини ошириш масалаларига эътибор қаратилди.
Семинар аввалида барча иштирокчилар юридик тусдаги ҳужжатларнинг лойиҳаларини меҳнат қонунчилигига тўла риоя қилган ҳолда тўғри расмийлаштириш бўйича амалий билимларга эга бўлдилар.
Шунингдек, семинар давомида кадрлар бўйича инспекторларнинг ҳуқуқий билимларини ошириш, қонун бузилиш ҳолатларининг олдини олиш бўйича таклифлар ишлаб чиқилди. Шу билан бирга, мавжуд муаммолар юзасидан фикрлар билдирилиб, тажриба алмашиш учун қулай имконият яратиб берди.
Тадбир давомида сўзга чиққанлар сўнгги йилларда республикамизда Юридик хизмат кўрсатиш марказлари томонидан “E-ҳуқуқшунос” электрон тизими орқали ҳужжатлар алмашинувининг мазмун-моҳиятини тушунтириш орқали иштирокчиларда ҳуқуқий онг ва ҳуқуқий маданиятини юксалтириш борасида қилиниши лозим бўлган долзарб масалалар юзасидан фикр алмашилди. Мавзуга доир билдирилган фикрлар иштирокчилар томонидан семинар давомида муҳокама қилинди.
Семинарда иштирокчилар ўзаро фикр алмашиб, назарий билимларини оширишди. Шу билан бирга амалий кўникмаларини ҳам шакллантиришни йўлга қўйди.
Учрашув сўнгида семинар иштирокчилари ҳуқуқий соҳада ўзларинни шу кунгача қийнаб келаётган муаммо ва камчиликлар ҳамда ечимини топиши лозим бўлган масалалар юзасидан масъул раҳбарларга савол бериш баробарида соҳа мутахассислари билан ўзаро фикр – мулоҳазалар алмашди. Семинар якунида қатнашчилари ўзларининг қизиқтирган саволлари ва амалиётида учраётган муаммоларига қонуний асослантирилган жавобларини олишди.
Севара ИСМОИЛОВА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
