ЖАНЖАЛКАШЛАР СУДГАЧА ЯРАШИШДИ
Дўстлик маҳалласи фуқаролар йиғини маъмурий биносида очиқ сайёр суд мажлиси ўтказилди.
Шу йил 4 август суд мажлисида Амударё туман суди масъуллари, туман прокурорининг катта ёрдамчиси Аббаз Ниязимбетов ва бошқалар иштирокида Ўзбекистон Республикаси Жиноят Кодексининг 105-моддаси тегишли қисми билан гумон қилинган шахсга оид жиноят ишини кўриб чиқилди.
Судда маълум қилинишча, дастлабки тергов органи томонидан С.Каримов (исмлар ўзгартирилган) туман ҳудудидаги овуллардан бирида трактор ёрдамида йўлда ахлатларни тозалатаётганида трактор ҳайдаб келаётган К.Қурбонов келиб қолган. У йўл тўсилиб қолгани сабабли С.Каримов билан ўзаро тортишиб қолади ва ўртада ўзаро келишмовчилик келиб чиққан. Кутилмаганда тортишув катта жанжалга айланиб, К.Қурбонов С.Каримовга ерда ётган ғишт бўлагини улоқтирган ва унинг бурун соҳасини жароҳатлаб, қасддан ўртача оғир даражадаги шикаст етказган. Хушмуомалалик билан ҳал қилса бўладиган ишни қўрслик билан бажармоқчи бўлган К.Қурбонов Ўзбекистон Республикаси ЖКнинг 105-моддаси 1-қисмида назарда тутилган жиноятни содир қилганликда айбланган.
К.Қурбонов қилмишидан пушаймон бўлиб, кечирим сўраганидан сўнг, жабрланувчи С.Каримов гумон қилинувчи билан ярашилганлиги муносабати билан судга жиноят иши бўйича иш юритилишини тугатиш тўғрисидаги илтимос қилиб, ариза билан мурожаат қилган.
Шунга кўра суд давомида томонлар ярашганлиги муносабати билан айблилик ҳақидаги масала ҳал қилинмасдан ҳаракатдан тугатилди.
Ж.Ўразбоев, Жиноят ишлари бўйича Амударё туман суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
