19 ТА ОВУЛ ЁКИ МАҲАЛЛА ҲУДУДИДАГИ ЖАМИ 50,4 КМ УЗУНЛИКДАГИ ИЧКИ ЙЎЛЛАР 12,5 МЛРД СЎМ МАБЛАҒ ЭВАЗИГА ҚАЙТА ТАЪМИРЛАНАДИ

Президентнинг 2022 йил 25 октябрдаги “Маҳаллалар инфратузилмасини янада яхшилаш бўйича қўшимча чора тадбирлари тўғрисида”ги қарорида мамлакатимиз ҳудудини обод қилиш, қишлоқ ва маҳаллаларда инфратузилма билан боғлиқ энг долзарб масалаларини тизимли ҳал қилиш, ичимлик сув, электр энергияси ва газ таъминотини, таълим, соғлиқни сақлаш, маданият, спорт ва бошқа инфрутузилма объектларини яхшилаш, шу асосда аҳоли турмуш фаровонлигини ошириш кўзда тутилган.

Қарорга мувофиқ Амударё тумани ҳудудида ҳам кўплаб ички йўлларни таъмирлаш, газ, электр таъминотини, инфратузилма объектларини яхшилаш, борасида амалга ошириладиган ишлар белгилаб олинди.

12 ноябрь куни 55-сонли мактабда ушбу масалаларни аҳолига тушунтиришга бағишланган йиғилиш бўлиб ўтди. Йиғилишда туман ҳоким Султонбой Йўлдашев, туман ҳокимлигининг саноат йирик қурилиш, коммуникация, коммунал хўжалиги ва ободонлаштириш масалалари бўйича мажмуа бошлиғи Нодирбек Комолов, Гулзор, Ойбек номли маҳалла фуқаролар йиғинлари раислари, ҳоким ёрдамчилари ва фаоллари иштирок этдилар.

Йиғилишда туман ҳокими Султонбой Йўлдашев аҳолига Президентнинг юқоридаги қайд этилган қарорига мувофиқ туманда амалга оширилиши белгиланган кўламдор ишлар ҳақида маълумотлар берди.

Таъкидланишича, туман бўйича жами 19 та овул ёки маҳалла ҳудудидаги умумий узунлиги 50,4 км бўлган ички йўлларни таъмирлаш учун 12 миллиард 517 миллион сўм маблағ ажратилган. Жумладан, 482 млн сўмга Бештом маҳалласи ҳудудидаги 2,1 км, 757 млн сўмга Дарёбўйи маҳалласи ҳудудидаги 3,3 км, 1 млрд 440 млн сўмга Ойбек номли маҳалла ҳудудидаги 6,3 км, 207 млн сўмга Арна бўйи  маҳалласи ҳудудидаги 0,9 км ички йўлларни таъмирлаш режалаштирилмоқда.

Бундан ташқари, дастур доирасида 1 млрд. 7 млн. сўм эвазига Бешовул  маҳалласи ҳудудидаги 4,4 км., 1 млрд 253 млн. сўм эвазига Бўзсолма  маҳалласи ҳудудидаги 5,4 км., 1 млрд 260 млн. сўмга Дўрман  овули ҳудудидаги 5,5 км. ички йўлларни таъмирлаш кўзда тутилмоқда. 

Юқоридаги қарорга асосан ишлаб чиқилган маҳаллалар инфратузилмасини ривожлантириш дастури доирасида туманнинг Жумур овул маҳалласи ҳудудидаги 0,8 км. ички йўллар 184 млн. сўм, Ўрта қала овули ҳудудидаги 0,9 км. ички йўллар 199 млн. сўм, Оқ олтин овули ҳудудидаги 0,8 км. ички йўллар 191 млн. сўм, Бўз ёп овули ҳудудидаги 2,4 км. ички йўллар 560 млн. сўм эвазига реконструкция қилинади.

Шунингдек, Беруний маҳалласи ҳудудидаги 0,6 км. ички йўлларни таъмирлаш учун 510 млн. сўм, Бўстон маҳалласи ҳудудидаги 4,9 км ички йўлларни таъмирлаш учун 1 млрд. 118 млн. сўм, Қиличбой овули ҳудудидаги 2,4 км. ички йўлларни таъмирлаш учун 557 млн. сўм, Дўстлик  маҳалласи ҳудудидаги 2,5 км. ички йўлларни таъмирлаш учун 572 млн. сўм йўналтирилмоқда.

Дастур доирасида Манғит шаҳрининг Гулзор маҳалласи ҳудудидаги 5,2 км., Навоий маҳалласи ҳудудидаги 0,9 км., Дурунки маҳалласи ҳудудидаги 0,4 км. ва Бойовул маҳалласи ҳудудидаги 0,6 км. ички йўлларни ҳам таъмирлаш режалаштирилган. Ушбу 4 та маҳаллалардаги ички йўлларни таъмирлаш учун жами 2 миллиард 791 миллион сўм маблағ ажратилган.

Йиғилишда туман ҳокими ўринбосари Нодирбек Комолов ҳам белгиланган ички йўллларда қурилиш-таъмирлаш, инфратузилма объектларининг яхшилаш борасида амалга оширилиши режалаштирилган ишлар ҳақида батафсил маълумотлар берди.

Йиғилишда иштирокчилар аҳоли турмуш фаровонлигини ошириш мақсадида қабул қилинган қарордан жуда мамнун бўлдилар.

 Ойгул РАЖАБОВА.