БЕШТОМ МАҲАЛЛАСИДА ТУМАН ҲОКИМИ ЁШЛАР БИЛАН УЧРАШУВ ЎТКАЗДИ
Мамлакатимиз бўйлаб ёшларни ҳар томонлама қўллаб-қувватлаш мақсадида ҳоким ва ёшлар учрашувлари ўтказилиб, уларни ҳал қилиш бўйича тегишли чора-тадбирлар амалга оширилмоқда. Бештом маҳалласида бўлиб ўтган навбатдаги “Ҳоким ва ёшлар” учрашувида ҳам ҳудуд ёшларининг муаммолари, таклифлари ўрганилди.
17 ноябрь куни маҳалла ҳудудида бўлиб ўтган мазкур учрашувда туман ҳокими Султонбой Йўлдашев, Президентнинг тумандаги Халқ қабулхонаси мудири Эркин Ражабов, Ёшлар агентлиги туман бўлими бошлиғи Сардор Исмоилов ҳамда мутасадди ташкилотлар, фуқаролар йиғинлари масъуллари, ҳудуддаги ҳоким ёрдамчиси, фаол фуқаролар ва ёшлар иштирок этишди.
Тадирда сўзга чиққан туман ҳокими Султонбой Йўлдашев дастлаб юртимизда ёшлар учун яратилаётган имкониятлар, ўзгаришлар ва бунёдкорликлар, улардан унумли фойдаланиб камолга етаётган, ютуқларга эришиб, Ўзбекистон номини дунёга танитаётган фаол ёшлар ҳақида сўзлади. Туман ёшларини ҳам бор имконият ва шароитлардан етарлича фойдаланиб, юрт келажагига муносиб фарзандлар, етук инсонлар бўлиб вояга етишга даъват этди.
Шунингдек, Президентнинг тумандаги Халқ қабулхонаси мудири Эркин Ражабов ҳам ҳудудларда ёшлар билан учрашувлар ўтказилиб, уларнинг муаммоларини ўрганишга, аниқланган камчиликларни мутасаддиларни жалб этган ҳолда бартараф этишига алоҳида эътибор қаратилаётганини таъкидлаб ўтди.
Ёшлар агентлиги туман бўлими бошлиғи Сардор Исмаилов эса туманда ёшлар бандлигини таъминлаш, тадбиркорликка жалб этиш, олий ўқув юртларида таҳсил олаётган кам таъминланган оилалар фарзандларининг тўлов-шартномаларини қисман қоплаб бериш каби ишлар амалга оширилаётганини маълум қилди.
Таъкидланганидек, тумандаги “Ёшлар дафтари” рўйхатига олинган ёшлар билан ҳам тизимли ишлар олиб борилмоқда. Уларга субсидия ва кредитлар ажратилишига кўмаклашилиб, тадбиркорликка жалб этиш орқали бандлигини таъминлашга алоҳида эътибор қаратилмоқда.
Жумладан, “Ёшлар дафтари”дан чиқарилган ёшлар доимий ва жамоат иш ўринларига жойлаштирилди, имтиёзли кредитлар, тикув машиналари берилди. “Ҳар бир ёшга – бир гектар” тамойили асосида ер майдонлари ажратилди. “Ёшлар дафтари”га киритилган ёшларни қўллаб-қувватлаш мақсадида ташкил этилган махсус жамғармасидан бир марталик моддий ёрдам, асбоб-ускуналар ва меҳнат қуроллари харид қилиш, сафарбарлик чақирув резерви хизмати бадалини тўлаш, маҳалла фуқаролар йиғинларига “Street work out” спорт майдончалари қуриш кабилар учун тегишли маблағлар ажратилиб, кўмак берилди.
Учрашув давомида маҳалла ёшлари билан очиқ мулоқот ўтказилиб, мурожаатлари тингланди. Ҳудуд ёшлари асосан, бандликни таъминлаш, тадбиркорликни йўлга қўйиш, субсидия ва кредитлар ажратилишига кўмаклашиш каби масалалар юзасидан амалий ёрдам сўраб мурожаат этдилар.
Бештом маҳалласи ёшларининг мурожаатлари, таклифлари атрофлича ўрганилди ва ўз муддатида тегишлича ҳал этиш учун масъулларга қатъий топшириқлар берилди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
