ОЧИҚ САЙЁР СУДДА ҲУҚУҚБУЗАРЛАРГА ЖАЗО ЧОРАЛАРИ КЎРИЛДИ
Дурунки маҳалласининг фуқаролар йиғини биносида очиқ сайёр суд мажлиси бўлиб ўтди.
2022 йил 22 ноябрь куни Жиноят ишлари бўйича туман суди томонидан ўтказилган ушбу суд мажлисида туман Ички ишлар бўлимининг ЙҲХ бўлинмаси томонидан келиб тушган 17 нафар фуқарога нисбатан тўпланган маъмурий ишлар кўриб чиқилди.
Ўзбекистон Республикаси МЖтКнинг 131-моддасига кўра ҳайдовчиларнинг транспорт воситаларини алкоголли ичимликдан, гиёҳванд модда таъсиридан ёки ўзгача тарзда маст ҳолда бошқариши, транспорт воситасини бошқариш ҳуқуқидан бир йил-у олти ойдан уч йилгача муддатга маҳрум қилиб, базавий ҳисоблаш миқдорининг йигирма беш бараваригача жарима солишга сабаб бўлади. Худди шундай ҳуқуқбузарлик транспорт воситаларини бошқариш ҳуқуқи бўлмаган шахс томонидан содир этилган бўлса, базавий ҳисоблаш миқдорининг қирқ бараваригача жарима солиш ёки ўн беш сутка муддатга маъмурий қамоққа олиш жазоси тайинланади. Алкоголли ичимликдан, гиёванд модда таъсиридан ёки ўзгача тарзда маст шахсга транспорт воситасини бошқаришни топшириш, транспорт воситасини бошқариш ҳуқуқидан икки йилдан уч йилгача муддатга маҳрум қилиб, базавий ҳисоблаш миқдорининг йигирма беш баравари миқдорида жарима солишга сабаб бўлиши назарда тутилган.
Ўзбекистон Республикаси МЖтКнинг 41-моддасига кўра ҳақорат қилиш, яъни шахснинг шаъни ва қадр-қимматини қасддан камситиш, базавий ҳисоблаш миқдорининг йигирма бараваридан қирқ бараваригача миқдорда жарима солишга сабаб бўлади.
Юқоридаги холатлардан келиб чиқиб, шу куни кўриб чиқилган иш материаллари бўйича ҳуқуқбузарларга нисбатан тегишли жарима жазолари қўлланилди.
Ж.Ўразбоев, Жиноят ишлари бўйича Амударё туман суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
