ИНСОНПАРВАРЛИК ТАМОЙИЛИ АСОСИДА
Ўзбекистон Республикаси Олий Мажлиси Сенатининг 2014 йил 14 ноябрдаги "Ўзбекистон Республикаси Конституцияси қабул қилинганлигининг йигирма икки йиллиги муносабати билан амнистия тўғрисида”ги қарори халқимизнинг ўзига хос бағрикенглик ва кечиримлилик фазилатларининг ёрқин ифодаси бўлди.
Ушбу қарор эълон қилинганидан кейин туман прокуратураси томонидан ҳам бир қанча ишлар амалга оширилди. Қарор қабул қилинганидан бери ўтган давр мобайнида турли муддатларга озодликдан маҳрум этилган 7 нафар амударёлик фуқаро авф этилиб, ўз оилалари бағрига қайтди. Бу фуқаролар туман ҳокимлиги қошидаги ижтимоий кўникиш марказига бириктирилиб, уларга тегишли ёрдамлар кўрсатилмоқда.
Ўзбекистон Республикаси Вазирлар Маҳкамасининг 1996 йил 1 июлдаги 318-сонли фармойишига асосан жазони ўташ жойларидан озод бўлган шахсларга паспорт олиш, озиқ-овқат маҳсулотлари харид қилиш,транспорт харажатлари ва бошқа эҳтиёжлари учун энг кам ойлик иш ҳақининг жами беш ярим баробаригача миқдорда моддий ёрдам кўрсатиш белгиланган.
Ҳозирги кунда туман прокуратураси томонидан жазони ўташ жойларидан озодликка чиқарилган фуқаролар учун белгиланганёрдамларнинг кўрсатилиши, уларнинг ишга жойлаштирилиши борасидаги ишлар қатъий назорат қилинмоқда. Шу билан бирга уларнинг такрорий жиноят содир қилишларининг олдини олиш, уларнинг жамоатчиликка қўшилиб, ижтимоий ҳаётга кўникиб кетишларини таъминлаш масаласи ҳам комиссия аъзолари билан биргаликда ҳал этилмоқда.
Амнистия қарорига асосан жазони ижро этиш муассасаларидан озод қилинган 7 нафар фуқаронинг соғликлари текширилиб, уларга тегишли тиббий ёрдамлар кўрсатилмоқда. Шу билан бирга бу фуқароларнинг бандлигини таъминлаш масаласи туман бандликка кўмаклашиш маркази билан ҳамкорликда муваффақиятли ҳал этилмоқда.
Туман прокуратураси ўзини ўзи бошқариш органлари ҳамда ички ишлар бўлими билан ҳамкорликда озодликка чиқарилган фуқароларнинг назоратсиз қолиб, яна қайта жиноят содир этишларининг олдини олиш мақсадида улар билан учрашувлар ва суҳбатлар ўтказмоқда.
Фарход АЛЛАМБЕРГЕНОВ, туман прокурори,
Фото: http://kun.uz
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
