2022 ЙИЛДА АМУДАРЁДА ДАВЛАТ ХИЗМАТЛАРИ МАРКАЗИ ТОМОНИДАН 60 МИНГ 105 ТА ХИЗМАТЛАР КЎРСАТИЛДИ
Фуқароларимизга тезкор ва қулай бўлган давлат хизматларини кўрсатиш мазкур масканлар олдига қўйилган асосий вазифалардан ҳисобланади. Айни пайтда марказда жисмоний ва юридик шахсларга кўрсатиладиган хизматлар 200 дан ошди. Фуқароларга эски ҳайдовчилик гувоҳномасини янги намунадагисига алмаштириш, нотариус, суғурта, кадастр, ФҲДЁ ва шу каби бошқа хизматлар кўрсатилиб келинмоқда. Мамлакатимизнинг барча ҳудудларида бўлгани каби Амударё туманида ҳам давлат хизматларига бўлган талаб ортиб бормоқда.
Амударё туманидаги Давлат хизматлари маркази ва Ягона интерактив давлат хизматлари портали орқали жисмоний ва юридик шахслар 2022 йил давомида 60105 та давлат хизмати фойдаланишган. Шу жумладан 355 юридик корхоналар, 1276 нафар якка тартибдаги тадбиркорлар янгидан давлат рўйхатидан ўтказилди ҳамда 280 та юридик корхоналар, 56 нафар якка тартибдаги тадбиркорлар қайта рўйхатдан ўтказилган.
Кўрсатилган сайёр тартибдаги давлат хизматлари сони 3338 тани ташкил қилади. Марказнинг Хитой филиали орқали 5613 та давлат хизмати кўрсатилган.
Марказда фуқаролар кундалик ҳаётида зарур бўлган давлат хизматларидан ортиқча оворагарчиликсиз, яшаш жойидан қатъий назар, экстерриториал тамойил асосида фойдаланиб, мурожаати бўйича бепул ҳуқуқий маслаҳатлар олишмоқда.
Давлат хизматларини кўрсатиш соҳасига доир қабул қилинаётган қонун ҳужжатлари, қайта кўриб чиқилиб соддалаштирилаётган хизматлар, талаб этилиши қисқартирилаётган ҳужжатлар ҳамда янада қисқа муддатлар туман аҳолисининг қулай, шаффоф ва тезкор давлат хизматларига бўлган ишончини ошириб, бугуни ва эртасидан рози бўлиб яшашларига имкон бермоқда.
С.Ҳайтбоев, туман Адлия бўлими Давлат хизматлар марказининг бўлим бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
