ТУМАН ҲУДУДИДАГИ ОВУЛ ВА МАҲАЛЛАЛАР ЧЕГАРАЛАРИ БЕЛГИЛАНДИ

Давлат кадастрлари палатаси туман филиали томонидан юридик ва жисмоний шахсларга тегишли жами 45302 та кўчмас мулк объекти, яъни 42051 та турар жой, 3251 та нотурар жой объектлари ҳисобга олинган.

Шундан 33205 та кўчмас мулк объектларининг ҳуқуқни тасдиқловчи хужжатлари бўлиб, 25789 та кўчмас мулк объектларига кадастр ҳужжатлари тайёрланган ва давлат рўйхатидан ўтказилган.

Ҳуқуқни тасдиқловчи ҳужжати мавжуд бўлган 7416 та кўчмас мулк объектларини давлат рўйхатидан ўтказиш бўйича 2022 йил 16 ноябрь кунидан бошлаб, 3 ойлик       режавий жадвал тузилиб, ҳозирда рўйхатдан ўтказиш ишлари амалга оширилиб келинмоқда.

Президентнинг 2022 йилдаги “Маҳалла институтининг жамият ҳаётидаги ролини мустаҳкамлаш ва молиявий имкониятини янада кенгайтириш чора-тадбирлари тўғрисида”ги Қарорининг 4а-бандида 2023 йил 1 январга қадар Маҳалла ва нуронийларни қўллаб-қувватлаш вазирлиги Кадастр агентлиги билан биргаликда ҳар бир маҳалланинг аниқ чегаралари белгиланишини ҳамда Давлат статистика қўмитаси билан биргаликда маҳаллаларнинг ягона классификатори ишлаб чиқилиб, Давлат статистика қўмитасининг расмий веб-сайтида эълон қилинишини таъминлаш кўрсатилган эди.

Мазкур Қарорга асосан тумандаги 16 та овул, 31 та маҳалла ва 2 та шаҳарчаларнинг чегаралари белгиланди.

Овул ва маҳаллаларининг чегаралари амалдаги қонунчилик ҳужжатларига, тегишли ваколатли ташкилотлар кўрсатмаларига, шунингдек, чегара чизиғи давлатлараро чегараларини делимитация ва демаркация қилиш бўйича мавжуд таснифларга асосланган ҳолда белгиланди.

Иш жараёнида тайёрланган ҳар бир харитадаги ҳолатга алоқадор бўлган, яъни овул ва маҳалла фуқаролар йиғинлари билан чегарадош бўлган фуқаролар йиғинлари раислари билан келишилди, юзага келган тушунмовчиликлар бўлган тақдирда улар асослаб берилди.

Ш.Султанов, Давлат кадастрлари палатаси туман филиали бошлиғи.