“Обод маҳаллам” номли грант лойиҳаси доирасида учрашув ўтказилди

Ўзбекистон “Маҳалла” хайрия жамоат фонди Амударё туман бўлинмасининг “Обод маҳаллам” номли грант лойиҳаси иш режасига мувофиқ атроф муҳитни муҳофаза қилиш ва табиий ресурслардан оқилона фойдаланиш соҳасидаги қонун ҳужжатлари талабларини аҳолининг кенг қатламига тушунтириш мақсадида 2023 йил 21 январь куни Куюк кўпир ОФЙ ҳудудидаги 19-сонли умумтаълим мактаби биносида Хитой ҳудудидаги жами 6 та овул ва маҳалла фуқаролар йиғинлари оқсоқоллари, ҳоким ёрдамчилари, фуқаролар йиғинларининг экология ва атроф муҳитни муҳофаза қилиш, ободонлаштириш ва кўкаламзорлаштириш бўйича комиссиялари раислари, фуқаролар йиғинлари вакиллари, жами 46 киши иштирокида учрашув ўтказилди.

Унда “Маҳалла” хайрия жамоат фонди Амударё туман бўлинмаси ходими Х.Султанов, Амударё тумани Маҳалла ва нуронийларни қўллаб-қувватлаш бўлими етакчи мутахассиси Б.Турабаев, Қорақалпоғистон Республикаси Экалогия ва атроф муҳитни муҳофаза қилиш қўмитасининг Амударё туман инспекцияси инспектори Ғ.Искандаровлар қатнашиб, мавзуга бўйича маъруза қилдилар ҳамда масалага оид тарқатма материаллар тарқатилди.