ФРОНТ ОРТИ МЕҲНАТ ФАХРИЙЛАРИГА ҲУРМАТ-ЭҲТИРОМ КЎРСАТИЛДИ
9 май – Хотира ва қадрлаш куни юртимизда кенг тантана қилинади. Иккинчи жаҳон урушида ҳалок бўлган боболаримиз жасоратини, матонатини чуқур ҳурмат билан эсга оламиз, жанггоҳлардан омон қайтиб, жисмида уруш асоратлари билан яшаётган собиқ жангчилар хотираларини тинглаб ибрат оламиз. Фронт ортида меҳнат фахрийлари тортган оғир меҳнат, фидойиликларини эшитиб, бугунгидай бахтиёр кунларнинг қадрини чуқурроқ англаймиз.
Туманимизда истиқомат қилувчи 36 нафар фронт орти меҳнат фахрийлари ҳудуд аҳолисининг доимо ҳурмат-эҳтиромида. Уруш йилларида қаҳатчилик, оғир меҳнатдан эзилган фахрийларимиз бугунгидай дориломон кунларга шукрона айтиб яшашмоқда.
Туманимизда ҳам меҳнат фахрийларига ҳурмат-эҳтиром кўрсатиш борасида кўпгина чора-тадбирлар амалга оширилди. Оммавий ахборот воситаларида улар ҳақида турли материаллар ёритилди, мактаб ўқувчилари, овул, маҳалла фуқаролар йиғинлари масъуллари уйларига бориб, хабар олишиб, совға-саломлар ҳадя этишди. Қаҳрамонлар тилидан суронли йиллар ҳақидаги хотираларини тинглаб, Ватанимиз тарихи ҳақида чуқурроқ билиб олдилар.
Сана муносабати билан ҳар бир фронт орти меҳнат фахрийсига 1 қоп ун, 2 литр мой, термос ҳадя этилди. 6 нафар фахрийга пул маблағи топширилди. Ушбу совғаларни туман ҳокими С.Йўлдашев, ўринбосарлари Р.Салаев, Г.Собурова, “Нуронийлар” жамоатчилик Кенгаши раиси ўринбосари Б.Алламберганов, секторлар раҳбарлари, “Нуроний” жамғармаси туман бўлинмаси раиси А.Қўшаев, туман Маҳалла ва нуронийларни қўллаб-қувватлаш бўлими бошлиғи ўринбосари Б.Болтабоев фахрийларнинг уйларига бирма-бир бориб, тантанали суратда топширдилар.
Нуроний ёшга етган отахон, онахонлар ўзларига кўрсатилаётган бунингдек ҳурмат-эътибордан кўнгиллари юксалиб, чуқур миннатдорчилик билдирдилар. Юртимизда тинчлик, осудалик барқарор бўлишини тиладилар.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
