“Жайхун илҳомлари” ННТ томонидан расмлар танлови ўтказилди

Шу йилнинг июнь ойида  “Жайхун илҳомлари” нодавлат нотижорат ташкилоти томонидан “Беш ташаббус – беш имконият” номли грант лойиҳаси асосида ёшларни ватанпарварлик руҳида тарбиялаш, юртимиздаги тарихий ёдгорликлар ва замонавий иншоотлар орқали улар қалбида она юртга  муҳаббат туйғуларини камол топтириш мақсадида манзилли қўллаб-қувватлаш дафтарларига киритилган ёшлар ўртасида “Рангларда Ватан манзаралари” мавзусида расмлар танлови эълон қилинган эди.

Ушбу танлов якунига кўра “Энг умидли, ёш рассом” номинацияси бўйича 83-сонли мактаб ўқувчиси Мафтуна Ҳайтбоева 1-ўринга, “Рангларга бой дунё таърифи учун” 39-сонли мактаб ўқувчиси Жасмина Муродбоева 2-ўринга, “Менинг обод қишлоғим тасвири учун” 41-сонли мактаб ўқувчиси Севара Муродбоева 3-ўринга муносиб деб топилдилар.

36-сонли мактаб ўқувчиси Севинчой Шавкатова ҳамда 41-сонли мактаб ўқувчиси Маҳлиё Жумабоевалар расмлар танловининг энг фаол иштирокчилари сифатида эътироф этилдилар.

Шунингдек, 41-сонли мактабнинг тўгарак раҳбари Зиёда Сададдиновага ўтказилаётган барча танловларда ўқувчиларнинг фаол иштирокини таъминлагани учун “Жайхун илҳомлари” нодавлат нотижорат ташкилоти томонидан ташаккурнома эълон қилинди.

Танловнинг ғолиб ва совриндорларига мазкур ташкилот номидан “Фахрий ёрлиқлар” топширилди ва китоблар совға қилинди.

Ўтказилаётган барча мавзулардаги танловлар туманимизда ёш, иқтидорли ўғил-қизларнинг ғоят кўплигини намойиш этмоқда.

Ўрозали Рейимов, Жайхун илҳомлари“ ННТ раиси.