“ЙИЛ АЁЛИ” МИЛЛИЙ ТАНЛОВИНИНГ ТУМАН БОСҚИЧИ ҒОЛИБЛАРИ АНИҚЛАНДИ
2022 йил 27 апрель куни Ўзбекистон Республикаси Олий Мажлиси Сенати Кенгашининг “Йил аёли” ва “Гендер тенглик фаоли” миллий танловларини ўтказиш тўғрисида”ги Қарори қабул қилинган эди. Қарорга мувофиқ жамият ҳаётида фаол иштирок этаётган, ҳар жиҳатдан ибратли хотин-қизларни қўллаб-қувватлаш, гендер тенгликни таъминлаш борасида олиб борилаётган ислоҳотларни кенг тарғиб қилиш ва жамоатчиликка етказиш мақсадида “Йил аёли” миллий танлови республикамиз бўйлаб ўтказилиб келинмоқда.
20 октябрь куни Амударё туманидаги 82-сонли умумтаълим мактабининг мажлислар залида “Йил аёли” миллий танловининг туман босқичи бўлиб ўтди.
Танловда мамлакатимизнинг ижтимоий-иқтисодий ривожланишига муносиб ҳиссасини кўшиб келаётган, юксак маънавиятли, оилада ва фарзанд тарбиясида ибрат бўлиш билан бирга ўзи фаолият кўрсатаётган ташкилот нуфузини оширишда фаол иштирок этаётган турли соҳа эгалари бўлган аёллар қатнашди.
Президентимиз “Маърифатли жамиятни маърифатли оналарсиз қуриб бўлмайди!” ғоясини илгари сурар экан, аёлларнинг наинки оила ва жамиятдаги, балки Ватан ва миллат тақдиридаги ўрни беқиёс эканини ҳам алоҳида таъкидлайди. Турли жабҳаларда фаоллик кўрсатаётган фидойи хотин-қизларни аниқлашда эса кўрик-танловларнинг аҳамияти катта.
Кенг жамоатчилик вакиллари иштирокида ўтказилган тадбир очилишида сўз олган туман ҳокими ўринбосари, Оила ва хотин-қизлар бўлими бошлиғи Гўзал Собурова кейинги йилларда мамлакатимизда хотин-қизларни қўллаб-қувватлаш, уларнинг жамиятдаги ўрни, роли ва нуфузини оширишга қаратилган кенг кўламли ишлар олиб борилаётганлигини, қатор лойиҳа ва танловлар ўтказилаётганлигини таъкидлади.
Мазкур танловдан кўзланган мақсад ҳам жамиятимиз ривожига муносиб ҳисса қўшиб келаётган, юксак маънавиятли, оилада ва ишда барчага ўрнак бўлаётган, давлат ва жамоат ишларида фаол хотин-қизларни қўллаб-қувватлаш, уларнинг илғор тажрибаларини оммалаштиришдан иборат экани қайд қилинди.
Низомга кўра, танловда 35 ёшдан юқори ҳамда ўз фаолияти билан камида 5 йил мобайнида узлуксиз шуғулланиб келаётган аёллар иштирок эта олади. Танловнинг туман босқичида 5 нафар иштирокчилар учта шарт бўйича беллашдилар ҳамда уларнинг билим ва маҳоратлари 5 балли тизим асосида баҳоланди. Якунда умумий натижалар бўйича Назархон овулидаги 3-сонли умумтаълим мактабининг кутубхоначиси Тазахон Қидирниязова биринчи ўринни эгаллаб, тунловнинг Қорақалпоғистон Республикаси босқичига йўлланмани қўлга киритди.
Бундан ташқари, Моҳира Собирова, Анбаржон Салаевалар “Йилнинг энг жонкуяр устози”, Нодира Тажимуратова “Ўз касбининг устаси бўлган йил аёли”, Қанигул Айтбоева эса “Йилнинг энг яхши ижодкор аёли” номинациялари бўйича ғолиб бўлдилар.
Танлов ғолибларига ва иштирокчиларга ташкилотчилар томонидан диплом ва қимматбаҳо совғалар топширилди.
Туман ҳокимлиги Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
