КАСБИМ-ФАХРИМ

МанғитИқтисодиёт коллежида ёшларнинг ўзлари танлаган касбларига доир билим ва кўникмаларини аниқлаш ва шакллантиришмақсадида "Бухгалтерия ҳисоби ва аудит”, "Молия”, "Солиқ ва солиққа тортиш” йўналишларининг 2-босқич ўқувчилари орасида "Касбим-фахрим” кўрик-танлови ўтказилди.

Кўрик-танлов иштирокчилари 5 шарт асосида беллашди. Иштирокчиларнинг чиқишлари ҳакамлар ҳайъати томонидан баҳоланиб, танлов охирида яхши иштирок этганлиги учун "Молия” йўналиши 1-13 гуруҳининг "Ёш молиячи” жамоаси фахрли биринчи ўринни, "Солиқ ва солиққа тортиш” йўналишидан 6-13 гуруҳининг "Ёш солиқчи” жамоаси иккинчи ўринни, 7-13 гуруҳининг "Солиқчилар” жамоаси учинчи ўринни эгалладилар ва коллеж маъмурияти томонидан тайёрланган Фахрий ёрлиқлар ҳамда совғалар билан тақдирланди. Фахрли биринчи ўринни эгаллаган "Молия” йўналиши 1-13 гуруҳининг "Ёш молиячи”жамоаси иштирокчилари - Асқарова Гулноза, Султонов Азамат, Рустамова Мадина, Йўлдошев Нодирбек, Йўлдошева Иқболойларкўрик-танлов қатнашчиларига ўзларининг билими, маҳорати ва одоби билан намуна бўлдилар.

Кўрик-танловнинг ташкилий ишларида ва қизиқарли ўтказилишида коллеж директори З.Атамуратов, маънавият ва маърифат ишлари бўйича директор ўринбосари Я.Аҳмедов, касбий таълим бўйича директор ўринбосари Р. Алимов, кафедра мудири З.Қидирбаевалар яқиндан ёрдам бердилар.

Сауле ПАТУЛЛАЕВА,