АГРОСАНОАТ МАЖМУИ ХОДИМЛАРИ КАСАБА УЮШМАСИ АЪЗОЛАРИ ИШТИРОКИДА СЕМИНАР ТАШКИЛ ЭТИЛДИ
Амударё туманида Агросаноат мажмуи ходимлари касаба уюшмаси аъзолари иштирокида ижтимоий-иқтисодий масалалар, меҳнат муҳофазаси ва хавфсизлиги ишларини янгича ташкил этиш бўйича семинар ўтказилди.
24 январь куни бўлиб ўтган мазкур семинарда Ўзбекистон Агросаноат мажмуи ходимлари касаба уюшмаси Республика Кенгаши раисининг биринчи ўринбосари Тўхта Бозоров, Ўзбекистон Касаба уюшмалари федерациясининг Қорақалпоғистон Кенгаши раиси ўринбосари Мурадбой Данияров, Ўзбекистон касаба уюшмалари федерациясининг меҳнатни муҳофаза қилиш бўлими етакчи мутахассиси Султанмурод Оразимбетов, Амударё тумани ҳокимининг биринчи ўринбосари Комилжон Айтбоев, туман Фермер, деҳқон хўжаликлари ва томорқа ер эгалари Кенгаши раиси Илҳом Полвоновлар қатнашишди. Шунингдек, Агросаноат мажмуи ходимлари касаба уюшмаси туман Кенгаши раиси Жасур Қурбониёзов ҳамда уюшма аъзолари қатнашишди.
Семинарда Ўзбекистон Агросаноат мажмуи ходимлари касаба уюшмаси Республика Кенгаши раисининг биринчи ўринбосари Тўхта Бозоров “Меҳнаткашларни ижтимоий-иқтисодий қўллаб-қувватлаш, тармоққа тегишли корхона, ташкилотлар ва агрокластерлар билан ҳамкорликни янада ривожлантириш истиқболлари тўғрисида”ги мавзусидаги маърузаси тингланди. У ўз маърузасида касаба уюшмаларига аъзо бўлиш тартиби, меҳнаткашларни ижтимоий томонидан қўллаб-қувватлашда уюшмаларнинг ўрни ва аҳамияти хусусида сўз юритди.
Ўзбекистон Касаба уюшмалари федерациясининг Қорақалпоғистон Кенгаши раиси ўринбосари Мурадбой Данияров “Меҳнаткашларни ижтимоий-иқтисодий қўллаб-қувватлашда жамоа шартномалари ўрни” ҳақида маъруза қилди. Семинар иштирокчиларига иш берувчи корхоналар билан жамоа шартномасини тузиш тартиби, аҳамияти ҳақида батафсил тушунчалар берилди.
Жамоа шартномаси — корхонада иш берувчи билан ходимлар ўртасидаги меҳнатга оид, ижтимоий-иқтисодий ва касбга оид муносабатларни тартибга солувчи норматив ҳужжат эканлиги таъкидланиб, унда корхонанинг иқтисодий имкониятларини ҳисобга олган ҳолда қонунлар ва бошқа норматив ҳужжатлар билан белгиланган нормалар ва қоидаларда кўрсатилганига қараганда имтиёзлироқ меҳнат шартлари ва ижтимоий-иқтисодий шартлар, яъни қўшимча таътиллар, пенсияларга тайинланадиган устамалар, муддатдан илгари пенсияга чиқиш, транспорт ва хизмат сафари харажатлари учун компенсациялар, ходимларни ишлаб чиқаришда ҳамда уларнинг болаларини мактабда ва мактабгача тарбия муассасаларида текин ёки қисман ҳақ тўланадиган тарзда овқатлантириш, бошқа қўшимча имтиёз ва компенсациялар ҳам киритилиши мумкинлиги тушунтирилди.
Ўзбекистон касаба уюшмалари федерациясининг меҳнатни муҳофаза қилиш бўлими етакчи мутахассиси Султанмурод Оразимбетов эса “Корхона, ташкилот, фермер хўжалиги ва агрокластерларда меҳнат муҳофазаси, хавфсизлиги ишларини ташкил этиш тўғрисида” маъруза қилди ва кенг тушунчалар бериб ўтди. Корхоналарда меҳнат муҳофазаси бўйича ишларни ташкил қилиш ва унинг ҳуқуқий-меъёрий асослари ҳақида батафсил сўз юритди. “Меҳнатни муҳофаза қилиш тўғрисида”ги қонуннинг 14-моддаси корхоналарда меҳнатни муҳофаза қилиш хизматларини ташкил этишга бағишлангани, Қонуннинг шу моддасига биноан Вазирликлар, идоралар, бошқа хўжалик органлари касаба уюшмалари Марказий қўмита билан келишиб ўзлари тасдиқлайдиган Низомга мувофиқ меҳнат муҳофазаси ишларини мувофиқлаштириб боришини баён этди.
Семинар давомида касаба уюшмасининг афзалликлари, ходимларни ижтимоий ҳимоя қилиш, уларнинг соғлигини тиклаш каби кўплаб имтиёзлар ҳақида маълумот ва тушунтиришлар берилди. Семинар иштирокчиларнинг фаоллиги билан жонли тарзда ўтди ва улар ўзларини қизиқтирган кўплаб саволларга маърузачилардан жавоблар олишди.
О.Худойберганова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
