Амударё туманида коммунал соҳада амалга оширилаётган ишларга бағишланган матбуот анжумани бўлиб ўтди
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги директори ҳамда Қорақалпоғистон Республикаси Вазирлар Кенгаши Раиси томонидан жорий йил IV чорак учун тасдиқланган медиа-режага асосан “Амударё туманида аҳолини ичимлик суви, табиий газ, электр энергиясидан фойдаланиш даражасини ошириш, ички йўлларни таъмирлаш борасида амалга оширилган ишлар ҳамда келгусидаги режалар” мавзусида матбуот анжумани ўтказилиши белгиланган.
Жорий йилнинг 12 декабрь санасида Амударё туман ҳокимлигининг Ахборот хизмати томонидан ҳокимликнинг мажлислар залида шу мавзуда медиа тадбир ташкил этилди. Унда туман ҳокими Собир Хўжаметов, маҳаллий ОАВ вакиллари, ёш журналист ва блогерлар ҳамда тегишли ташкилотлар раҳбарлари иштирок этдилар.
Матбуот анжуманини туман ҳокими Собир Хўжаметов кириш сўзи билан очиб берди ҳамда ўз нутқида мамлакатимизда очиқлик ва ошкоралик сиёсатини амалга оширишда оммавий ахборот воситаларининг ўрни ва аҳамиятига қаратилаётган алоҳида эътибор ва бу борадаги ислоҳотлар хусусида сўз юритди.
Таъкидланганидек, бугунги кунда мамлакатимизда давлат ҳокимияти ва бошқарув органлари фаолиятининг очиқлигини таъминлаш, турли даражадаги раҳбарларнинг халқ олдида ҳисобдорлигини оширишга алоҳида эътибор қаратилиб, бу борадаги асосий вазифалар қатор қонун ҳужжатлари билан белгилаб қўйилган.
Ўзбекистон Республикасининг “Давлат ҳокимияти ва бошқаруви органлари фаолиятининг очиқлиги тўғрисида”ги Қонуни бу борада муҳим дастуруламал бўлиб хизмат қилмоқда. Шунингдек, “Оммавий ахборот воситалари мустақиллигини таъминлаш ҳамда давлат органлари ва ташкилотлари ахборот хизматлари фаолиятини ривожлантириш бўйича қўшимча чора-тадбирлар тўғрисида”ги Президент қарори давлат органлари ва ташкилотларининг ахборот хизматлари, оммавий ахборот воситаларининг фаолиятини сифат жиҳатидан янги босқичга олиб чиқмоқда.
Матбуот анжуманида тумандаги коммунал хизматлар кўрсатувчи ташкилотлар раҳбарлари кун тартибидаги мавзу юзасидан ҳисобот бердилар. Хусусан, “Амударётумангаз” газ таъминоти бўлими бошлиғи Жасур Эрметов, туман Электр тармоқлари корхонаси бошлиғи Жасур Салаев, “Қорақалпоқ сув таъминоти” акциядорлик жамияти Амударё тумани филиали бошлиғи Наримон Сабировлар туманда жорий йил давомида амалга оширилган ишлари ҳамда келаси йил учун режалари ҳақида ҳисобот бердилар.
Ҳисоботлар якунлангач, ташкилотлар раҳбарларига анжуман иштирокчилари томонидан саволлар берилди. Кўп йиллик тажрибага, чуқур билим ва салоҳиятга, бой ижодий қобилият ва серқирра касбий маҳоратга эга журналист, ўткир қалам соҳибаси Озода Худайберганова томонидан ҳар бир йўналиш бўйича алоҳида саволлар ҳамда таклифлар йўлланди. Ташкилотлар раҳбарлари саволларга аниқ ва ҳаётий мисоллар билан жавоблар бердилар.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
