Amudaryo tumanida kommunal sohada amalga oshirilayotgan ishlarga bagʻishlangan matbuot anjumani boʻlib oʻtdi
Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktori hamda Qoraqalpogʻiston Respublikasi Vazirlar Kengashi Raisi tomonidan joriy yil IV chorak uchun tasdiqlangan media-rejaga asosan “Amudaryo tumanida aholini ichimlik suvi, tabiiy gaz, elektr energiyasidan foydalanish darajasini oshirish, ichki yoʻllarni taʼmirlash borasida amalga oshirilgan ishlar hamda kelgusidagi rejalar” mavzusida matbuot anjumani oʻtkazilishi belgilangan.
Joriy yilning 12-dekabr sanasida Amudaryo tuman hokimligining Axborot xizmati tomonidan hokimlikning majlislar zalida shu mavzuda media tadbir tashkil etildi. Unda tuman hokimi Sobir Xoʻjametov, mahalliy OAV vakillari, yosh jurnalist va blogerlar hamda tegishli tashkilotlar rahbarlari ishtirok etdilar.
Matbuot anjumanini tuman hokimi Sobir Xoʻjametov kirish soʻzi bilan ochib berdi hamda oʻz nutqida mamlakatimizda ochiqlik va oshkoralik siyosatini amalga oshirishda ommaviy axborot vositalarining oʻrni va ahamiyatiga qaratilayotgan alohida eʼtibor va bu boradagi islohotlar xususida soʻz yuritdi.
Taʼkidlanganidek, bugungi kunda mamlakatimizda davlat hokimiyati va boshqaruv organlari faoliyatining ochiqligini taʼminlash, turli darajadagi rahbarlarning xalq oldida hisobdorligini oshirishga alohida eʼtibor qaratilib, bu boradagi asosiy vazifalar qator qonun hujjatlari bilan belgilab qoʻyilgan.
Oʻzbekiston Respublikasining “Davlat hokimiyati va boshqaruvi organlari faoliyatining ochiqligi toʻgʻrisida”gi Qonuni bu borada muhim dasturulamal boʻlib xizmat qilmoqda. Shuningdek, “Ommaviy axborot vositalari mustaqilligini taʼminlash hamda davlat organlari va tashkilotlari axborot xizmatlari faoliyatini rivojlantirish boʻyicha qoʻshimcha chora-tadbirlar toʻgʻrisida”gi Prezident qarori davlat organlari va tashkilotlarining axborot xizmatlari, ommaviy axborot vositalarining faoliyatini sifat jihatidan yangi bosqichga olib chiqmoqda.
Matbuot anjumanida tumandagi kommunal xizmatlar koʻrsatuvchi tashkilotlar rahbarlari kun tartibidagi mavzu yuzasidan hisobot berdilar. Xususan, “Amudaryotumangaz” gaz taʼminoti boʻlimi boshligʻi Jasur Ermetov, tuman Elektr tarmoqlari korxonasi boshligʻi Jasur Salayev, “Qoraqalpoq suv taʼminoti” aktsiyadorlik jamiyati Amudaryo tumani filiali boshligʻi Narimon Sabirovlar tumanda joriy yil davomida amalga oshirilgan ishlari hamda kelasi yil uchun rejalari haqida hisobot berdilar.
Hisobotlar yakunlangach, tashkilotlar rahbarlariga anjuman ishtirokchilari tomonidan savollar berildi. Koʻp yillik tajribaga, chuqur bilim va salohiyatga, boy ijodiy qobiliyat va serqirra kasbiy mahoratga ega jurnalist, oʻtkir qalam sohibasi Ozoda Xudayberganova tomonidan har bir yoʻnalish boʻyicha alohida savollar hamda takliflar yoʻllandi. Tashkilotlar rahbarlari savollarga aniq va hayotiy misollar bilan javoblar berdilar.
Charos Arslonova, tuman hokimligining Axborot xizmati rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
