Жамият
👁 5,541
Маҳалла – маънавият бешиги
Нукусда "Қадриятлар бешигисан – азиз маҳаллам” шиори остида
ўтказилаётган "Маҳалла менинг тақдиримда” кўрик-танловининг
Қорақалпоғистон Республикаси босқичи бўлиб ўтди.
Ўзбекистон Республикаси Халқ таълими, Олий ва ўрта махсус таълим, Маданият ва спорт ишлари вазирликлари, "Маҳалла” хайрия жамоат фонди, "Камолот” ёшлар ижтимоий ҳаракати марказий кенгаши, "Нуроний” жамғармаси, Маънавият тарғибот маркази ва бошқа ташкилотлар ҳамкорлигида ташкил этилган танловда 16 жамоа иштирок этди.
Қорақалпоғистон Республикасида кейинги йилларда 153 болалар спорти объекти, 16 болалар мусиқа ва санъат мактаби қурилиб, фойдаланишга топширилди. Уларнинг 75 фоизи қишлоқ жойларда барпо этилди. Ҳудуд аҳолисининг 60 фоизи 18 ёшгача бўлган ёшлардан иборат бўлиб, уларнинг 700 мингдан зиёди, жумладан, 300 минг қизлар спортнинг 12 тури бўйича мунтазам шуғулланмоқда.
Ёшларнинг бандлигини таъминлаш, уларнинг бўш вақтини тўғри ва мазмунли ташкил этиш, вояга етмаганлар ўртасида назоратсизликнинг олдини олишга оид ишлар кўламини кенгайтиришда 401 фуқароларнинг ўзини ўзи бошқариш идоралари фаоллари самарали фаолият кўрсатмоқда. Маҳаллаларда ташкил этилган "Ота-оналар университети”, "Оила – маҳалла – таълим муассасаси” механизмларининг ҳамкорлиги ёшлар тарбиясидаги ишларнинг самарадорлигини оширмоқда. Мазкур кўрик-танлов ҳам ушбу ҳамкорликни янада такомиллаштириш, ёшларни ватанпарвар ва юксак маънавиятли инсонлар этиб тарбиялаш, уларда миллий қадриятларимизга ҳурмат туйғусини юксалтиришга қаратилгани билан аҳамиятлидир.
Танловнинг маҳаллалараро босқичида 1 минг 588 нафар йигит-қиз ўз билим ва истеъдодини намойиш этди. Шаҳар ва туман босқичларида 104 жамоа таркибида 416 ўғил-қиз маҳалласи тарихи, ёшларнинг жисмонан соғлом, маънан етук улғайишида маҳалланинг ўрни, соҳага оид норматив-ҳуқуқий ҳужжатлар ҳамда маънавий-маърифий ислоҳотлар бўйича билимини синовдан ўтказди.
– Иштирокчи ёшлар ўз маҳалласи тарихи, у ерда амалга оширилаётган бунёдкорлик ва ободонлаштириш ишларини яхши билиши, бу ҳақда ғурур билан сўзлаши ҳар қандай кишини тўлқинлантириб юборади, – дейди "Маҳалла” хайрия жамоат фонди Қорақалпоғистон Республикаси бўлими бошлиғи Хўжабой Елмуратов. – Энг муҳими, улар ким эдигу бугун ким бўлдик, келгусида қандай янги марраларга эришамиз, деган эзгу ғоялар мазмун-моҳияти ва аҳамиятини теран англайди.
Амударё туманидаги "Қиличбой” овул фуқаролар йиғинининг "Нурафшон” жамоаси биринчи ўринни қўлга киритди. Иккинчи ўрин Нукус туманидаги "Қирантов” овул фуқаролар йиғинининг "Жайҳун” жамоасига, учинчи ўрин Қанликўл туманидаги "Арзимбетқум” овул фуқаролар йиғинининг "Боймақли” жамоасига насиб этди.
Ғолиб жамоаларга диплом ва эсдалик совғалари топширилди.
Аминбой Ортиқбоев, Мақсад Ҳабибуллаев (сурат), ЎзА
Ўзбекистон Республикаси Халқ таълими, Олий ва ўрта махсус таълим, Маданият ва спорт ишлари вазирликлари, "Маҳалла” хайрия жамоат фонди, "Камолот” ёшлар ижтимоий ҳаракати марказий кенгаши, "Нуроний” жамғармаси, Маънавият тарғибот маркази ва бошқа ташкилотлар ҳамкорлигида ташкил этилган танловда 16 жамоа иштирок этди.
Қорақалпоғистон Республикасида кейинги йилларда 153 болалар спорти объекти, 16 болалар мусиқа ва санъат мактаби қурилиб, фойдаланишга топширилди. Уларнинг 75 фоизи қишлоқ жойларда барпо этилди. Ҳудуд аҳолисининг 60 фоизи 18 ёшгача бўлган ёшлардан иборат бўлиб, уларнинг 700 мингдан зиёди, жумладан, 300 минг қизлар спортнинг 12 тури бўйича мунтазам шуғулланмоқда.
Ёшларнинг бандлигини таъминлаш, уларнинг бўш вақтини тўғри ва мазмунли ташкил этиш, вояга етмаганлар ўртасида назоратсизликнинг олдини олишга оид ишлар кўламини кенгайтиришда 401 фуқароларнинг ўзини ўзи бошқариш идоралари фаоллари самарали фаолият кўрсатмоқда. Маҳаллаларда ташкил этилган "Ота-оналар университети”, "Оила – маҳалла – таълим муассасаси” механизмларининг ҳамкорлиги ёшлар тарбиясидаги ишларнинг самарадорлигини оширмоқда. Мазкур кўрик-танлов ҳам ушбу ҳамкорликни янада такомиллаштириш, ёшларни ватанпарвар ва юксак маънавиятли инсонлар этиб тарбиялаш, уларда миллий қадриятларимизга ҳурмат туйғусини юксалтиришга қаратилгани билан аҳамиятлидир.
Танловнинг маҳаллалараро босқичида 1 минг 588 нафар йигит-қиз ўз билим ва истеъдодини намойиш этди. Шаҳар ва туман босқичларида 104 жамоа таркибида 416 ўғил-қиз маҳалласи тарихи, ёшларнинг жисмонан соғлом, маънан етук улғайишида маҳалланинг ўрни, соҳага оид норматив-ҳуқуқий ҳужжатлар ҳамда маънавий-маърифий ислоҳотлар бўйича билимини синовдан ўтказди.
– Иштирокчи ёшлар ўз маҳалласи тарихи, у ерда амалга оширилаётган бунёдкорлик ва ободонлаштириш ишларини яхши билиши, бу ҳақда ғурур билан сўзлаши ҳар қандай кишини тўлқинлантириб юборади, – дейди "Маҳалла” хайрия жамоат фонди Қорақалпоғистон Республикаси бўлими бошлиғи Хўжабой Елмуратов. – Энг муҳими, улар ким эдигу бугун ким бўлдик, келгусида қандай янги марраларга эришамиз, деган эзгу ғоялар мазмун-моҳияти ва аҳамиятини теран англайди.
Амударё туманидаги "Қиличбой” овул фуқаролар йиғинининг "Нурафшон” жамоаси биринчи ўринни қўлга киритди. Иккинчи ўрин Нукус туманидаги "Қирантов” овул фуқаролар йиғинининг "Жайҳун” жамоасига, учинчи ўрин Қанликўл туманидаги "Арзимбетқум” овул фуқаролар йиғинининг "Боймақли” жамоасига насиб этди.
Ғолиб жамоаларга диплом ва эсдалик совғалари топширилди.
Аминбой Ортиқбоев, Мақсад Ҳабибуллаев (сурат), ЎзА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
