ХАЛҚАРО ХОТИН-ҚИЗЛАР КУНИ КЕНГ НИШОНЛАНДИ
Инсон зоти борки, мукаррама Аёл пойига Онажон, деб, рафиқам, деб, жоним-жигарим, деб тўкилиб яшайди. Унинг биргина самимий нигоҳи, биргина самимий сўзи билан ҳар дилга гул-у райҳон, баҳор нафаси уфуради!
4 март куни туман ҳокимлигининг катта мажлислар хонасида бўлиб ўтган туман хотин-қизларининг 8 март – Халқаро хотин-қизлар кунига бағишланган байрам тадбирида ҳар дилга ана шундай гул-у райҳон нафаси, баҳор нафаси уфурган бўлса не ажаб!
Туманимиз ҳаётининг барча жабҳаларида фаолият юритаётган, ўз ишлари билан эл-юрт ҳурматига сазовор фидойи ва меҳнаткаш аёл-қизлар, нуроний онахонлар иштирок этган байрам тадбирини туман ҳокимининг ўринбосари, хотин-қизлар қўмитаси раиси Марям Аҳмедова очди ва туманимиз фаол аёл-қизларини гўзаллик ва нафосат айёми - 8 март – Халқаро хотин-қизлар куни билан қизғин муборакбод этди.
Шундан сўнг туман ҳокимининг биринчи ўринбосари Баҳодир Эрназаров табрик нутқи сўзлади. Жамиятимиз ва оилаларимиз кўрки, хонадонларимиз фаришталари бўлган барча азиз опа-сингилларимиз ва муҳтарама онахонларимизга байрам табригини йўллади ҳамда туманимиз ишлаб чиқаришининг турли соҳаларида - маданият, таълим, соғликни сақлаш тизимларида ўз меҳнатлари билан халқ ҳурмати ва эътиборига сазовор бўлган аёл-қизлардан бир гуруҳига туман ҳокимлигининг "Фахрий ёрлиқ”лари ҳамда қимматбаҳо совғаларини топширди.
Амударё академик лицейи ўқувчиси Юлдуз Турсунбоева ҳамда 40-сонли умумтаълим мактаби ўқувчиларининг шеърий табригидан сўнг туман маданият ва спорт ишлари бўлими санъаткорлари томонидан тайёрланган байрам концерт дастури намойиши тадбир иштирокчиларига хушнудлик бахш этди.
Шу куни туманимизнинг фаол хотин-қизлари учун "Осиё” тўйхонасида байрам дастурхони ёзилди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
