АЁЛ-ҚИЗЛАР ҲАР ЖАБҲАДА ФАОЛ
Истиқлол йилларида аҳоли ўртасида соғлом турмуш тарзини кенг тарғиб қилиш, тиббий маданиятни юксалтириш, ёшларни никоҳга тайёрлаш, соғлом оила қуриш маданиятини шакллантириш, оила, оналик ва болаликни ижтимоий муҳофаза қилиш, хотин-қизларни ҳар томонлама қўллаб-қувватлаш, уларнинг оиладаги ва жамиятдаги мавқеини ошириш каби кўламдор вазифаларни амалга оширишда маҳаллаларда фаолият юритаётган диний маърифат ва маънавий-ахлоқий тарбия масалалари бўйича маслаҳатчиларнинг ҳиссаси улкан бўлаётир.
Мен фаолият юритаётган "Қангли” ОФЙда ҳам бу ишлар яхши йўлга қўйилганлиги боис, 2015 йилда "Маҳалланинг энг намунали диний маърифат ва маънавий-ахлоқий тарбия масалалари бўйича маслаҳатчиси” кўрик-танловининг туман босқичида 2-ўринни енгиб олишга муваффақ бўлдим.
Фарзанд тарбиясида ота-онанинг масъулияти муҳим эканлиги хусусидаги, оилаларнинг тинч ва аҳиллигига, аҳолининг турмуши тобора фаровонлашувига эришиш борасидаги ташвиқот-тарғибот ишларимиз ҳам беиз кетмаётир. Турли жабҳаларда меҳнат қилаётган аёл-қизларимиз туман миқёсида ўтказилаётган турли кўрик-танловлар, спорт мусобақаларининг фаол иштирокчиларидир. "Мактаб-оила-таълим муассасаси” ҳамкорлиги яхши йўлга қўйилганлиги бугунги глобаллашув жараёни кечаётган бир даврда ёшлар онгида миллий ғурур-ифтихорни тарбиялаб, ҳар қандай ғайри кучларга, маънавий тазйиқларга қарши тура оладиган соғлом дунёқарашни шакллантиришга эришаётганимиз туфайли ўтган йилда ва жорий йилнинг ўтган даврида вояга етмаганлар ва ёшлар ўртасида кўнгилсиз ҳодиса содир этилмади. Аҳолининг тинч-осойишталиги таъминланмоқда. Бунга эришишда биз ҳар жабҳада фаол аёл-қизларимиз ҳамкорлигига таяниб иш олиб бораяпмиз.
Раъно АМЕТОВА,
"Қангли” ОФЙнинг диний маърифат ва маънавий-ахлоқий тарбия масалалари бўйича маслаҳатчиси.
(Фото - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
