Жамият 30.06.2016 👁 4,050

Жайхун илҳомлари

Меҳр битиги

Ишқ ўтида девонаи Машраб бўлдинг,

Йўлимда пойлоқчи, йўл тўсар бўлдинг.

Ногаҳон нигоҳим тушса кимгадир,

Рашк азобида бўғмоқчи бўлдинг.

Илоҳим тушимда халоскор қилди,

Ўнгимда бир ишқни афсона қилди.

Нетай, муҳаббат қасри асира қилиб,

Жонимни жонингга пайваста қилди.

Барча ошиқларни қолдириб доғда,

Севгимиз фалакда ошкора бўлди.

Биз қурган қасримиз кошона бўлди,

Олти фарзанд андин нишона бўлди.

Энг сара мевазор, гул боғимиздан,

Ўн саккиз набира дурдона бўлди.

Аллоҳга минг бора шукрона айтиб,

Ҳар тонгда, ҳар шомда дуолар қилиб.

Етмиш баҳорингда жуфти гул бўлиб,

Шеър эмас, меҳр битдим мен сизни суйиб.

Эллик йилки сиз подшоҳ - мен эса вазир,

Шаҳзодалар доим хизматда ҳозир.

Аллоҳнинг неъмати – бахт-у-тахтимиз,

Бизга Ой бахт тилаган Ҳазрати Хизр.

Аллоҳни севгувчи ҳар бир мўъмин ҳам,

Бешак, шундай бахтга эришгай.

Жонгилбика Раҳим Бобожон қизи.

Хулоса

Ҳаёт худди дарёга ўхшар,

Орқасига қайтмайди оқиб.

Кексалар дер: - Умримиз ўтди,

Киприкни бир олгунча қоқиб.

Тоғ кабидир, - дер биров, – ҳаёт,

Чиққанингда ҳаракат аста.

Тушганингда хоҳла-хоҳлама,

Тезда ўзни кўрарсан пастда.

Яна дерлар: – Йиллар ўтади,

Боримизни ўғирлаб бир-бир.

Инсон зоти борки ҳаммаси,

Бу ҳолатга кўнишга мажбур.

Шундай бўлса не қолар биздан,

Ўйлантирар шу савол бот-бот –

Яхшилик қил – яхши яшарсан,

Ҳамда қолар сендан яхши от.

Демак, бундан чиқар хулоса:

Эзгуликка банд бўлиб яша.

Ҳаёт шудир – ҳар ким ҳам ундан,

Аъмолига олар яраша.

Аҳмад НАФАСОВ.

Биздан не қолади...

Биздан не қолади, азиз дўстларим,

Айтилган яхши сўз – ашъор қолади.

Биздан не қолади - азим бинолар

Қуролсак, қутлуғ ном – меъмор қолади.

Биздан не қолади, азиз дўстларим,

Ҳур диёр – жаннатга монанд қолади.

Чунки бизлар камолотга етказган,

Изимиз босувчи фарзанд қолади.

Биздан не қолади, азиз дўстларим,

Бажарган эзгу иш – аъмол қолади.

Яна не қолади – авлодлар учун,

Ўрнак бўлмоқликка тимсол қолади.

Гулнора ЮСУПОВА.

ТЎРТЛИКЛАР

Сендан кутганларим шумиди ҳаёт,

Менинг тилагимни бермадинг ҳайҳот?

Бахтсиз одамларга жоним куярди,

Ўша бахтсиз одам ўзимми, наҳот...

* * *

Йўқ, йўқ! Унутгин, деб ўтинма зинҳор,

Сен боқий эрурсан маъсум тилакда.

Унута олмайман, ахир номинг бор,

Биринчи муҳаббат деган йўлакда.

* * *

Дунёда ҳар инсон бебаҳо-сара,

Қадрига етамиз йўқотган замон.

Майли, йўлларига бир умр қара,

Бироқ у келмайди, шуниси ёмон!

Ўрозали РЕЙИМОВ.

Жон садаға

Ўзбек қизи дор ўйнар,

Дутор чертиб, тор ўйнар.

Хино босган кафт, бармоқ,

"Қайроқ”қа хумор ўйнар.

Аёлларни гул дедим,

Кулгуларин дур дедим.

Ҳай-ҳай кўз қамаштирган,

Жамолларин ҳур дедим.

Рўмолчаси қўлида,

Эзгу мақсад дилида.

Қадоқ қўллар чарчамас,

Истиқболнинг йўлида.

Жонимга жон дудоға,

Ўлдургадур адоға.

Ойдай, анбар юзларга,

Дейман шу жон садаға.

Зулфия ОЛЛАЁРОВА.

ЖЎРАЛАР

Гурлан йўлнинг чуқурларин биламиз,

Айланиб ўтишга амал қиламиз.

Текис келса шамол бўлиб еламиз,