СИЗ ҲАМИША ЮРАГИМИЗДА ЯШАЙСИЗ
Муҳтарам Юртбошимизнинг вафоти бутун халқимиз қатори ёшларни ҳам чуқур қайғуга солди. Болаларга "Ватанимиз келажаги” дея умид билан қараб, уларга улкан ғамхўрликлар кўрсатган азиз ва мўътабар инсон – Президентимиз Ислом Каримовни йўқотиш мурғак қалбларни ҳам ларзага келтирди.
Севара АНВАРОВА, Амударё академик лицейи ўқувчиси:
– Бу жудоликни кўтариш халқимиз учун оғир бўляпти. Наҳотки мустақиллигимизнинг 25 йиллик тўйини сиз билан бирга ўйнаб-кулиб нишонлаш насиб этмади? Ахир сиз бизга керак эдингиз-ку. "Болаларим” деган сўзингиздан қанчалар куч олишимизни билсангиз эди. Биз чиндан ҳам сизнинг фарзандларингизмиз ва ҳамиша сизга муносиб бўлишга интилиб яшаймиз.
Отажон! Бизга мустақилликни ҳадя қилганингиз учун раҳмат! Халқимизни ўзингиздан-да зиёда кўрганингиз учун раҳмат!
Биз, албатта сиз танлаган йўлдан борамиз, мустақиллигимизни ҳеч кимга бериб қўймаймиз.
Сарвиноз ҚУВВАТОВА, Амударё академик лицейи ўқувчиси:
– Ўзбек халқи жуда оғир жудоликни бошидан ўтказаяпти. Сабаби, бошимиз узра соябон бўлиб турган меҳридарё, ватанпарвар Юртбошимиздан айрилдик.
Президентимиз Ислом Каримов ўз умрини халқига бахшида этиб, юртимизни мисли кўрилмаган даражада ўзгартириб, юксалтиришга эришдилар. Собиқ империя даврида харобаларга айланиб улгурган муқаддас қадамжоларимиз қайта таъмирланди. Бунинг натижасида юртимизни дунё таниди.
Президентимиз ўз нутқларидан бирида: "Мен ҳеч нарсадан қўрқмайман, чунки менинг меҳнаткаш ва эртанги кунга ишончи баланд халқим, ўқиш ва изланишдан ҳеч қачон толмайдиган иқтидорли авлодларим ва бизга қилган ишлари билан куч бериб турувчи аждодларим бор”, деган эдилар. Ҳа, биз шундай келажаги буюк халқмиз ва бундан кейин ҳам шундай буюк бўлиб қолажакмиз. Охиратингиз обод бўлсин, халқимизнинг меҳридарё ва ватанпарвар Отаси!
Нафосат ТУРСУНБОЕВА, Манғит иқтисодиёт коллежи ўқувчиси:
– Муҳтарам Юртбошимизнинг Ўзбекистон ёшлари ҳеч кимдан кам эмас, дея таъкидлашлари бизни ғурурлантиради. Бундай буюк, жасур инсоннинг фарзандлари эканмиз, биз ҳар доим маррани баланд олиб, фақат ва фақат олдинга талпинишга, руҳини шод этишга интиламиз.
Юртбошимизнинг ишончларини оқлаймиз, уларга муносиб фарзанд бўлиб, юртимиз байроғини янада баланд чўққиларга кўтарамиз. Уларни доимо хотирамизда меҳрибон отамиз сифатида сақлаймиз.
(Фото - http://turkistonpress.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
