МУСТАҚИЛЛИГИМИЗ АБАДИЙ, ТУРМУШИМИЗ ОСУДА БЎЛСИН!
Мен доим ўз орзуларим ҳақида ўйласам, бехавотир яшаётган юртдошларимиз кўз ўнгимда гавдаланади. Бундай турмуш тарзи ҳукмрон бўлиши учун ўз касбига садоқат билан хизмат қилаётган ички ишлар идоралари ходимлари хизматлари хаёлимга келади. Ҳа, уларни осойишталик посбонлари, дея аташ жуда тўғри бўлади. Буни мен айни кунларда, амалиёт ўташ давримда жуда чуқур ҳис қилмоқдаман.
Бу касбга меҳр менда жуда эрта уйғонди. Орзуим йўлида Ўзбекистон Республикаси Ички ишлар вазирлиги Академиясига ўқишга кирдим. Ҳозир шу олийгоҳни битириш арафасидаман.
Мустақиллик йилларида мамлакатимизда ички ишлар идоралари тизимида олиб борилган ислоҳотлар туфайли фуқароларнинг ва жамиятнинг тинч-осойишталигига рахна солувчи ҳар қандай салбий иллатлардан ишончли ҳимоя қила оладиган тизим шакллантирилди. Ички ишлар идоралари фуқароларнинг ҳуқуқлари ва эркинликларини, хавфсизлигини ҳимоя қилишнинг ишончли гаровига айланди.
Ана шундай масъулиятли ва шарафли касбда меҳнат қилиш – менинг орзуим. Ота-боболаримизнинг жасорати, матонати туфайли фаровон турмуш ҳукм сураётган элимизга хизмат қилиш ҳар бир йигитнинг олий мақсади, десам адашмайман.
Мана, юртимизда 9 май – Хотира ва қадрлаш куни кенг нишонланаяпти. Барча юртдошларимизни ушбу байрам билан қутлаб, мустақиллигимиз абадий, турмушимиз осуда бўлсин, дейман.
Муҳриддин Раҳимов,
Ўзбекистон Республикаси Ички ишлар Вазирлиги Академияси тингловчиси.
(Фото: ЎзА)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
