MUSTAQILLIGIMIZ ABADIY, TURMUShIMIZ OSUDA BOʻLSIN!
Men doim oʻz orzularim haqida oʻylasam, bexavotir yashayotgan yurtdoshlarimiz koʻz oʻngimda gavdalanadi. Bunday turmush tarzi hukmron boʻlishi uchun oʻz kasbiga sadoqat bilan xizmat qilayotgan ichki ishlar idoralari xodimlari xizmatlari xayolimga keladi. Ha, ularni osoyishtalik posbonlari, deya atash juda toʻgʻri boʻladi. Buni men ayni kunlarda, amaliyot oʻtash davrimda juda chuqur his qilmoqdaman.
Bu kasbga mehr menda juda erta uygʻondi. Orzuim yoʻlida Oʻzbekiston Respublikasi Ichki ishlar vazirligi Akademiyasiga oʻqishga kirdim. Hozir shu oliygohni bitirish arafasidaman.
Mustaqillik yillarida mamlakatimizda ichki ishlar idoralari tizimida olib borilgan islohotlar tufayli fuqarolarning va jamiyatning tinch-osoyishtaligiga raxna soluvchi har qanday salbiy illatlardan ishonchli himoya qila oladigan tizim shakllantirildi. Ichki ishlar idoralari fuqarolarning huquqlari va erkinliklarini, xavfsizligini himoya qilishning ishonchli garoviga aylandi.
Ana shunday masʼuliyatli va sharafli kasbda mehnat qilish – mening orzuim. Ota-bobolarimizning jasorati, matonati tufayli farovon turmush hukm surayotgan elimizga xizmat qilish har bir yigitning oliy maqsadi, desam adashmayman.
Mana, yurtimizda 9-may – Xotira va qadrlash kuni keng nishonlanayapti. Barcha yurtdoshlarimizni ushbu bayram bilan qutlab, mustaqilligimiz abadiy, turmushimiz osuda boʻlsin, deyman.
Muhriddin Rahimov,
Oʻzbekiston Respublikasi Ichki ishlar Vazirligi Akademiyasi tinglovchisi.
(Foto: OʻzA)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
